web counter
LEXO PA REKLAMA!

SHKARKO APP

App Store
Google Play

E fundit!

x

Meta merr drejtimin e LSI/ Ikën Kryemadhi?

21 Prill 2021, 10:21, Politikë CNA

LSI drejtohet nga Ilir Meta. Konfirmimi ka ardhur nga vetë Meta, i cili nga institucioni i Presidencës, ka dalë duke udhëzuar kandidaten për deputete të LSI-së Keidi Mehmetajn dhe strukturat e LSI-së në Fier.

Ai i ka dhënë këshilla, sugjerime dhe udhëzime, drejtpërdrejt në media, që të mos përplasen për banderolat, që LSI pretendon se po hiqen në Fier, për shkak të vizitës së kryeministrit Edi Rama atje.

Nuk është çudi që LSI drejtohet nga Ilir Meta, pasi e ka themeluar këtë forcë politike, por çudi është se si Presidenti ?braktis? detyrën dhe merr drejtimin e LSI-së.

Praktikisht, Shqipëria është pa President. Kemi një institucion që po përdoret nga Ilir Meta.

Presidenca është vënë në shërbim të LSI-së. Presidenti pretendohet, të paktën sipas Kushtetutës se përfaqëson unitetin e popullit, pra është mbi palët politike.

Por, Ilir Meta, është defacto kryetar i LSI dhe LSI, e cila po shkon drejt shkrirjes nuk përfaqëson të gjithë popullin.

Ajo nuk mundi të përfaqësonte vetë ata që kishte në gjirin e saj, të cilët e braktisën me radhë në çdo qark.

I pritshëm për ngjarjen e Fierit, ishte një reagim i Monika Kryemadhit, të asaj që prezantohet në publik si kryetar i LSI-së, por  kjo e fundit nuk ka reaguar, duke lënë të kuptohet se e ka dorëzuar drejtimin e LSI-së, pavarësisht se flet në emër të saj./CNA.al





Lajmet e fundit nga