web counter
LEXO PA REKLAMA!

SHKARKO APP

App Store
Google Play

“Regjim i korruptuar”/ Mediu akuza Ramës

11 Prill 2021, 12:28, Politikë CNA

Kryetari i Partisë Republikane Fatmir Mediu ka vazhduar me fushatën në Levan të Fierit. Nga atje ka vazhduar me qytetarët ku u shpreh me akuza ndaj Ramës se gjatë këtyre viteve është tallur me popullin.

Ai u shpreh se në 25 Prill qytetarët nuk do të shohin kandidatin kur të votojnë por do të shohin më shumë interesat e tyre.

?Ne jemi të gjithë shqiptarë, pa dallim dhe gjëja më e mirë që mund të bëjmë është që të duam dhe të respektojmë njëri-tjetrin. Ne jemi të gjithë prindër, kemi fëmijë, por po ashtu shikojmë në sy njëri-tjetrin dhe bëjmë një pyetje? A është kjo Shqipëria që duam ne? Zgjedhjet e 25 Prillit më shumë se partitë politike, të shikoni interesat tuaja. Vetëm, së bashku me një qëllim dhe një vendim që në datën 25 Prill, ditën me rëndësi kombëtare, t’i japim fund një qeverisje të korruptuar e cila ka zënë rrugën tonë për të ardhmen e fëmijëve tanë, familjeve tona, të Levanit, të Fierit dhe mbarë Shqipërisë?, u shpreh Mediu.

Sipas tij, ne nuk mund të jemi peng i një regjimi të korruptuar i cili për 8 vite i mashtroi Shqiptarët.

?Ne nuk mund të lëmë as jetën, as lirinë tonë, as të ardhmen tonë peng të një regjimi të korruptuar, të drejtuar nga Edi Rama, të një njeriu që për 8 vjet vetëm u tall me shqiptarët, të një njeriu që për 8 vjet mashtroi shqiptarët, të njeriut që për 8 vjet inkriminoi Shqipërinë dhe e ktheu në qendrën e trafikut të drogës, dhe po ky njeri mbas 8 vjetësh kërkon një mandat të tretë, se ma ka ndërprerë mandatin tërmeti, thotë,  pastaj ma ka ndërprerë pandemia thotë.

Pandemi më të rëndë se regjimi i korruptuar dhe i inkriminuar i Edi Ramës, Shqipëria as ka parë dhe as nuk do të shohë ndonjëherë. Prandaj është shumë e rëndësishme që në 25 Prill ti japim fund kësaj pandemie të krimit dhe shkatërrimit ekonomik?, tha Mediu./ CNA.al





Lajmet e fundit nga