web counter
LEXO PA REKLAMA!

SHKARKO APP

App Store
Google Play

E fundit!

x

“Lëpiu aty ku pështyu”/ Si gënjente Agron Gjekmarkaj, pasi u la në hije

11 Prill 2021, 07:13, Politikë CNA

Agron Gjekmarkaj, kandidati i PD për deputet në Lezhë, ka ndryshuar mendim për Lulzim Bashën, pasi e pa veten si kandidat për deputet.

Listat janë bërë shkas, që më herët Gjekmarkaj të mos kontrollohej ndaj Bashës, në atë çfarë fliste e shkruante.

Megjithëse ai ka zgjedhur të gënjejë dhe të mashtrojë për këtë pjesë, duke mohuar se kanë qenë listat për deputetë, që i kanë shtuar zemërimin deri në atë pikë, sa të ?masakronte? Bashën, duke i bërë skanerin që nga dita që mori PD.

Në vitin 2017, ai shkruante në një nga opinionet e tij, se e kishte mbështetur Bashën për një kohë të gjatë, por pas marrëveshjes së 17 Majit, ndryshoi kundrejt tij.

Ishte marrëveshja e 17 Majit, që ndryshoi Gjekmarkajn, apo injorimi i Bashës ndaj tij, që nuk e përfshiu në lista për deputetë.

Koha vërtetoi këtë të dytën. Basha e përfshiu në lista në këmbim të heshtjes apo pazarit të ardhës, ndërsa Gjekmarkaj mori atë që deshi dhe ?lëpiu aty ku pështyu?.

Risjellim në vëmendje deklaratat e Gjekmarkajt para zgjedhjeve parlamentare të vitit 2017, të botuara më 13 Qershor, po të të njëjtit vit.

?Personalisht e kam mbështetur Bashën për një kohë të gjatë, pa hezitim e pendim përballë një Kryeministri e pushteti tejet arrogant e kërcënues, deri sa Basha bëri marrëveshje me Ramën.

Jo, pse bëri marrëveshje, por për pjesën e saj të parrëfyer që e shndërroi në subjekt qyfyresh, për listat si triumf i banalitetit, për fushatën pa shpirt, pa tharm, pa ide racionale, për arrogancën e përditshme pas katastrofës elektorale, për ligjërimin bosh e fyes në garën teatrale të këtyre ditëve, ngjarje këto, të cilat krijuan portretin e tij befasues e shqetësues?, shkruante Gjekmarkaj në vitin 2017, kur vendi po bëhej gati për zgjedhjet parlamentare dhe kur Gjekmarkaj-analisti nuk u përfshi në listën e PD.

Pasi nuk e pa veten në lista për deputet, Gjekmarkaj, shkoi përtej Bashës, duke fyer edhe ata që e rrethonin kreun e PD-së.

Sipas tij Basha, s? ishte gjë tjetër veçse një portret i rrethuar me kukulla.

?Një portret rrethuar me kukulla që mund të na bezdisë, mund të na trishtojë, mund të na shkaktojë gaz, por që nuk ngjall më mëshirë?, shkruate ndër të tjera Gjekmarkaj.

Edhe pse është kapur duke gënjyer, për Gjekmarkaj s? ka rëndësi, pasi tashmë ia arriti qëllimit, është në lista.

Është tjetër gjë, nëse qytetarët lezhjanë, do t?i besojnë një gënjeshtari të tillë, që t?i japin votën.

Ai gënjeu, se po i dhimbsej PD, kur akuzonte Lulzim Bashën dhe ata përreth tij dhe të njëjtën gjë mund të bëjë ndërsa del e flet për ndryshim si kandidat për deputet nën krahët e Lulzim Bashës.

Analisti i famshëm Gjekmarkaj, edhe mund të mos jetë i vetmi me master në gënjeshtra për interesa të tij të ngushta, por Presidentit Ilir Meta do të ishte mirë që t?i bënte gati dekoratën si ?gënjeshtar i dalluar e me vlera? në radhët e  listave të Lulzim Bashës./CNA.al





Lajmet e fundit nga