E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit, T...

“Fushatë atipike”/ Leonard Olli: Duhet të ndahet shteti nga partitë

10 Prill 2021, 17:44, Politikë CNA

Kandidati i Bindjes Demokratike në qarkun e Korçës Leonard Olli e ka cilësuar fushatën e këtij viti atipike. Sipas tij, qytetarët kërkojnë me ngulm ndryshimin e këtij vendi dhe jo këmbimin e zotuesëve të karrigeve.

Olli theksoi se duhet patjetër të ndahet shteti nga partitë sepse sapo marrin pushtetin ndjehen pronarë të shtetit dhe skllavopronar.

?Kjo fushatë është krejtësisht atipike! Së pari të detyron që të flasësh me një numër të vogël banorësh, pasi shëndeti është gjëja më e çmuar dhe që pandemia e rrezikon në çdo moment. Na kufizon nga vizita shtëpi më shtëpi po për të njëjtat arsye. E dyta, pasi si asnjëherë më parë janë vetë qytetarët që kërkojnë me ngulm ndryshimin dhe jo thjesht këmbimin e zotëruesve të karrigeve.

Ua them pa drojë dhe me zë të lartë se programi i programeve të Bindjes Demokratike fillon me themelet dhe jo me bojën. Fillon me ndryshimet kushtetuese që do të krijojnë mundësinë reale për një demokraci funksionale dhe reale! Për shtetin e së drejtës dhe të qenit të barabartë, por kundër barazitizmit bolshevik! Për ndarjen një herë e përgjithmonë të shtetetit nga partitë, të cilat sapo marrin pushtetin ndjehen edhe pronarë të shtetit dhe skllavopronarë?, ka shkruar Olli.

Gjithashtu kandidati për deputet i Bindjes Demokratike ka bërë thirrje për tu bërë të gjithë bashkë dhe t?ju besojnë individëve jo siglave sepse kjo do të jetë zgjidhja e vetme.

?Për të ndalur përfundimisht abuzimin me pushtetin që populli ua delegon me votë! Pa këtë themel, çdo premtim tjetër elektoral është krejtësisht i pavlefshëm! 30 vjet mjaftojnë të bindin çdo skeptik për këtë! Ndërkohë që për ta shqetësimi dhe dhimbja më e madhe mbetet fakti që fëmijët e tyre nuk besojnë më te vendi i tyre dhe e shohin zgjidhjen vetëm të ikja! Por kjo nuk është zgjidhja! Zgjidhja është se të gjithë bashkë mund t’ ja dalim duke u besuar individëve dhe jo siglave, projekteve që ndryshojnë vendin dhe të ardhmen tonë dhe jo premtimet elektorale që ripërsëriten çdo katër vjet, në varësi të fushatës?, shkruan Olli./ CNA.al