Për çfarë kryengritje flet ky tutkun!?/ Ngjela ‘degjeneron’ Metën: Grabitës i pashpresë

7 Prill 2021, 15:51, Politikë CNA

Avokati i njohur Spartak Ngjela, ka dalë me një reagim të fortë në rrjetet sociale, ku ka komentuar deklarat e zyrtarit të lartë amerikan e Matthew Palmer për zgjedhjet e 25 prillit.

Ngjela shkruan se dje politika amerikane rikonfirmoi aleancën e pakthyeshme Shqipëri-Amerikë, ndërsa nuk i ka kursyer dhe sulmet ndaj presidentit Ilir Meta.

Postimi i Ngjelës

Impenjimi serioz dhe tepër i hapur në përkrahje të Shqipërisë i Shteteve të Bashkuara, po vijon me një theks me të madh.

Mattheë Palmer krijoi një atmosferë të re optimizmi në Shqipëri.

Ai ishte i hapur kundër korrupsionit dhe manipulimit të zgjedhjeve. Ai dha gjithashtu të kuptuar që ekspertët amerikanë do të jenë këtu, në ndihmë të reformës antikorrupsion dhe kundër manipulimit të zgjedhjeve, madje edhe ushtarakisht.

Zëvendës/ndihmës Sekretari i Shtetit Mattheë Palmer, u shfaq në Shqipëri në pragun e dy eventeve të mëdha:

Zgjedhjet politike të 25 prillit.

Dhe: stërvitjes së madhe të ushtrisë amerikane në Ballkanin Petëndimor.

Në kuadër të NATO-s, Shqipëria merr pjesë për herë të parë në një stërvitje të këtij lloji, e cila quhet Defender 21, dhe pozicioni shqiptar zë një vend qëndror në këtë stërvitje ushtarake të një rëndësie të veçantë.

Ky, sigurisht që është një hap më tej në ngritjen e prestigjit të Shqipërisë dhe të Shqiptarëve.

Iku koha kur Shqipërinë e kishin “bezdi” ta vendosnin edhe në literaturën botërore të përshkrimit të gjografive fizike dhe ekonomike të shteteve.

Iku koha kur vende pa histori, pasi kishin grabitur historinë e shqiptarëve, donin të shuanin shqiptatët dhe gjuhën shqipe.

E pra, dje politika amerikane rikonfirmoi aleancën e pakthyeshme Shqipëri-Amerikë.

Por në të njëjtën kohë, me Mattheë Palmer, politika amerikane iu bëri të qartë shqiptarëve katër prioritetet e zhvillimit shqiprar, të cilat Uashingtoni do t’i ndjekë me përparësi;

Zgjedhjet e lira, dhe kontroll antimanipulim.

Reformën në drejtësi.

Reformën antikorripsion

Dhe: përjashtimi nga mundësia e të zgjedhurit deputet të të inkriminuarëve.

Duhet të kujtohemi se, në botën shqiptare në Ballkanin Perëndimor, ka një presion të madh rus me anë të veglave politike të Moskës, që po kërkojnë të veprojnë kundër reformës në drejtësi, dhe për destabilizimin zgjedhor. Por, ndërkohë ka edhe një konkurencë të madhe konfliktuale midis Amerikës dhe Rusisë në këtë zonë.

Kurse dihet që, tani, korrupsioni i lartë shqiptar është i hedhur i gjithë në luftë kundër interesit kombërar shqiptar.

Pikërisht për këtë, të katër elementët përcaktues të Mattheë Palmer-it, janë shprehje e hapur e angazhimit amerikan kundër korrupsionit shqiptar.

Në të njëjtën kohë duhet të kujtohemi se ishte pikërisht Palmer ai që para një viti deklaroi: “Targeti rus për Shqipërinë është i pamundur”. Kurse ambasadori i Rusisë në Tiranë, na kërkoi para disa ditësh fitoren e Partisë Demokratike në zgjedhjet e këtij prilli. Me anë të kësaj kuptohet se, siç duket, iu kanë premtuar këtyre larove që kanë këtu se Rusia do të manipulojë zgjedhjet në Shqipëri, siç bëri me Trump-in në Amerikë.

E pra, pikërisht për këtë, Palmer i kërcënoi hapur këta të korruptuar që shohin ëndërra me Moskën dhe Beogradit. Në fakt, janë shumë të tillë në Shqipëri, si elementë profesionesh të lira, por nuk kanë forcë. Fare pa forcë janë.

“Populli shqiptar duhet të ketë drejtësi të vërtetë “, tha dje zëvendës ndihmës Sekretari amerikan i Shtetit, duke i krijuar një dridhje të re korrupsionit shtetëror në Shqipëri.

Në fakt ajo që shprehu Mattheë Palmer është jo vetëm epiqendra e reformës shqiptare, por është edhe domosdoshmëria e zhvillimit shqiprar.

Pikërisht këtu dhe për këtë: a ka për të thënë ndonjë gjë Ilir Meta.

Por, që nga ky moment: vërtet do të flasë sërish Meta për një kryengritje popullore anti NATO-s ? Ndërsa këtu po vijnë me mijëra ushtarë amerikanë në “një lojë ushtarakë në mbrojtje të Ballkanit Perëndimor”, për çfarë kryengritje flet ky tutkun, që mbeti skllav i krimit të tij korruptiv?

Por, në mbrojtje ndaj kujt është kjo lojë dhe stërvitje ushtarake amerikane në Shqipëri?

Sigurisht, kundër presionet rus.

Por, edhe kundër korrupsionit të lartë shtetëror shqiptar, i cili tani dihet se është me Moskën dhe Beogradin, kundër interesit shqiptar. E pra, Palmeri erdhi taman në kohë, ndërsa pyetja është kjo, po këta moskovitët tanë, akoma kanë shpresë se mund ta çojnë Shqipërinë drejt Moskës, që ashtu të shpëtojnë gjënë e vjedhur, me grabitjen që iu kanë bërë Shqiptatëve në 25 vjet rresht?

Keni për ta parë: shumë shpejt, me eliminimin e tyre, shqiptarët do të krijojnë doza të forta talljeje për këta grabitës, tani të humbur dhe pa asnjë shpresë shpëtimi.