web counter
LEXO PA REKLAMA!

SHKARKO APP

App Store
Google Play

“Presidenti përfaqëson LSI-në”/ Dervishi: Fushata mund të sjellë konflikte

16 Mars 2021, 22:08, Politikë CNA

Gazetari Ferdinand Dervishi ka komentuar ngjarjen e ndodhur në zyrat e FRD-së ku Presidenti Ilir Meta u përplas me punonjësit e policisë, pas vendimit të Bashkisë Tiranë për lirimin e ambienteve.

Sipas Dervishit ngjarjet e fundit të bëjnë të mendosh se në këtë zgjedhje mund të shohim përplasje mes forcave politike.

I ftuar në emisionin “Log” të Endri Xhafos, ai tha se frika nga humbja mund ta bëjë kryeministrin të mbyllet në ndonjë bunker në Vlorë.

?Mendimi im është që do të ketë përplasje. Një fenomen që tashmë është sheshit. Unë shoh një degradim të marrëdhënie midis kryeministrit dhe presidentit deri në një kufi të cilën mund ta quaj lajthitje. Pra Presidenti që për mua përfaqëson LSI, i vënë në një presion vitet e fundit ku mund të ketë ëndërruar pranga?I vënë në faktin se PS apo Edi Rama po i zvogëlojnë partinë apo po ia blejnë?i shantazhuar edhe virtualisht nga ajo që u quajt ?Vetting? ka zgjedhur të reagojë kështu.

Nga ana tjetër kemi kryeministrin e cili e çoi këtë vend me nivel korrupsioni më keq se vendet gjysmë të egra të Afrikës ku një tender shkon për atë që ta jep direkt 50%. Edhe kryeministri gjithashtu duket se ka një frikë e madhe nga humbja, që mendon se nga ky bunkeri që jam këtu do të mbyllem diku në një bunker andej nga Vlora, pas humbjes. E gjithë kjo përplasje e madhe midis kryeministrit dhe presidentit reflektohet edhe ne masë.

Në Shqipëri politika, sigurisht nuk i thotë krimit shko bëj këtë gjë. Politikani që ka fuqi nuk i thotë kurrë shko bëj këtë gjë. Por unë besoj që ky konflikti i madh lart që është një mohim i njërit dhe fitore e tjetrit, në këtë fushatë zgjedhore do të na fusë në konflikte?, tha më tej Dervishi./CNA.al





Lajmet e fundit nga