web counter
LEXO PA REKLAMA!

SHKARKO APP

App Store
Google Play

“Lindita Nikolla ka dështuar”/ Marku i kthehet ashpër Ramës: Injorant, i çmendur!

16 Mars 2021, 19:47, Politikë CNA

Mark Marku drejtuesi politik i qarkut të Lezhës i është përgjigjur deklaratave të kryeministrit Edi Rama. Në një intervistë për ?Frontline?  ai u shpreh se të përdorësh termin reaksionar siç e ka quajtur Rama do të thotë të jesh ose injorant, ose i çmendur, ose enverist.

?E vetmja alternativë e Ramës është të shajë. Vetëm po ta analizonit atë çfarë tha ai, automatikisht ai duhet të shkojë të trajtohet në një spital psikiatrik. Mënyra e komunikimit, ajo çfarë tha ai, është krejt e shfazuar.

Është turp që një kryeministër komunikon kështu me publikun. Të përdorësh termin reaksionar sot, do të thotë të jesh ose injorant, ose i çmendur, ose enverist. E ka shumë shqetësim Rama atë çfarë kam bërë unë, apo Gjekmarkaj, këto 8 vjet?, tha ai.

Marku u shpreh gjithashtu se Lindita Nikolla dështoi si ministre Arsimi dhe u largua me protestat e studentëve.

Sipas tij, qeveria nuk ofron asnjë alternativë për situatat dramatike që po kalon vendi duke shtuar se PD dhe koalicioni Aleanca për Ndryshim do të dalin fitues në zgjedhjet e 25 Prillit.

?Ne mendojmë mandatin e katërt padiskutim në Lezhë, madje edhe të pestin. Unë nuk dua të flas për kundërshtarët e mi në Lezhë, por Lindita Nikolla ka dështuar si ministre Arsimi dhe u largua me protestat e studentëve. Ishte një dështim total i arsimit. Qeveria e saj ka dështuar në të gjitha objektivat që ka paraqitur para 8 vitesh.

Nuk ofron më asnjë alternativë, vetëm zgjatjen e kësaj situate dramatike në vend. Mua ma thonë njerëzit se ?nëse fiton PS, do të ikim nga Shqipëria?. Unë ju kam thënë që kjo nuk zgjidhje, pasi duhet të iki qeveria që qeveris keq. Jam i bindur që PD është parti e parë dhe koalicioni është fitues?, theksoi kandidati i PD-së./ CNA.al





Lajmet e fundit nga