web counter
LEXO PA REKLAMA!

SHKARKO APP

App Store
Google Play

Grida Duma në "hapat" e Bashës/ Nis fushatën elektorale nga Facebook

16 Mars 2021, 18:23, Politikë CNA

Kushtet e vështira që janë krijuar nga Covid-19 dhe vendimi i Komitetit Teknik të Ekspertëve për të mos lejuar grumbullimet më shumë se 10 persona ka bërë që aktorët politikë të zhvillojnë fushtatën elektorale edhe në rrjetet sociale.

Pas kryedemoratit Lulzim Basha edhe kandidatja për deputete në Kavajë, Grida Duma ka nisur komunikimin me mbështetësit e saj nëpërmjet Facebook. Ajo u shpreh se teknologjia shërben për t?i dhënë një mesazh të qartë shikuesve.

?Është një risi e madhe kjo çështja e teknologjisë të themi të drejtën. Unë herë pas here e përdor me shumë pa dëshirë, qenia live dhe drejtpërdrejt është një risi dhe kërkon një vëmendje të plotë që t?i japësh shikuesit një mesazh të plotë dhe jo ujërat. Por ajo që shoh është e reja që depërton kudo?, thotë ndër të tjera Duma.

Sipas Dumës, shqiptarët i kushtojnë shumë rëndësi rrjeteve sociale saqë edhe po të shohësh një shtëpi të paarreduar prap do të kenë internet.

?Ti mund të shohësh një shtëpi të paarreduar, pa mobilje, me shumë varfëri, por shikon një të ri që përpiqet për veten, të mbahet të vishet, të ketë një telefon të mirë. Kjo nuk do të thotë që të jemi pre e atyre që kush ka një telefon të mirë është individi që po gënjen për varfërinë. Por do të thotë që shqiptarët kanë shumë kërkesa të larta për veten. Liri e madhe është ajo që të jep teknologjia nëse shikon çfarë ndodh në çdo cep të botës dhe e krahason me Shqipërinë?, thotë më tej Duma./ CNA.al





Lajmet e fundit nga