E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Basha nuk kursehet ndaj Ramës/ Ka instaluar korrupsionin në Shkodër

16 Mars 2021, 21:18, Politikë CNA

Kryetari i Partisë Demokratike, Lulzim Basha, ka zhvilluar sot takime në qytetin e Shkodrës, ku ka dëgjuar problemet e qytetarëve dhe sipërmarrësve.

Basha deklaron se shkodranët po përballen me perden e hekurt të kufizimeve, të pengesave dhe të korrupsionit që ka instaluar kryeministri Edi Rama dhe qeveria prej 8 vitesh.

Kreu i opozitës thekson se entuziazmi dhe vendosmëria e qytetarëve të Shkodrës janë garanci se në zgjedhje do të ketë pjesëmarrje si asnjëherë më parë.

?Sot në qytetin e Shkodrës takova dhe bisedova me qindra qytetarë, fola me shumë sipërmarrës, dëgjova me shumë interes idetë dhe projektet e të rinjve novatorë të këtij qyteti. Gjithashtu pashë nga afër shpirtin punëtor e kreativ të shkodranëve të përballet me perden e hekurt të kufizimeve, të pengesave dhe të korrupsionit që ka instaluar Edi Rama dhe qeveria e tij prej 8 vitesh.

Kudo ku ndalova, me këdo që fola në qytetin e Shkodrës, mora mesazhin e fortë se ka ardhur koha për një ndryshim të vërtetë në Shqipëri. Shkodranët janë të bindur për këtë, ashtu siç besojnë të gjithë shqiptarët.

Shkodra kërkon ndryshim, Shqipëria kërkon ndryshim dhe ndryshimin do ta sjellë bashkimi i të gjithëve për këtë qëllim. Entuziazmi dhe vendosmëria që preka sot në çdo hap në rrugët e këtij qyteti, në shtëpitë dhe në sipërmarrjet e tij, janë garanci se në zgjedhje do të ketë pjesëmarrje si asnjëherë më parë.

I garantova qytetaret dhe qytetarët e Shkodrës se ashtu siç e integruam Shqipërinë në NATO, liberalizuam vizat dhe arritëm shumë kulme së bashku, së bashku do ta sjellim ndryshimin. Prandaj, me forcën e bashkimit tonë, më 25 prill të gjithë së bashku do të sjellim ndryshimin dhe Shqipëria do të fitojë?, shkruan Basha në rrjetet sociale./ CNA.al