Studimi: Shtriqja e muskujve më efektive sesa ecja, për uljen e presionin e lartë të gjakut

21 Shkurt 2021, 09:05, Blog CNA

Nëse me fillimin e këtij viti keni nisur te ecni, për të rritur numrin e përditshëm të hapave që hidhni, apo jeni të prirur të ngrini pesha në palestër, mund të dëshironi t`i shtoni aktivitetit tuaj edhe disa shtriqje të muskujve gjatë ditës.

Një studimi i ri, sugjeron se kjo e fundit mund të jetë më efektive sesa ecja me hapa të shpejtë në uljen e presionit të lartë të gjakut, për njerëzit që vuajnë nga hipertensioni.?Të gjithë mendojnë se shtriqja e muskujve ka të bëjë vetëm me relaksimin e muskujve tuaj?-thotë Fil Çilibek, që studion biomekanikën dhe lëvizjen njerëzore (kinezologjinë) në Universitetin e Saskatçeuan në Kanada.

?Por kur shtriqni muskujt tuaj, ju shtriqni të gjitha enët e gjakut që ushqehen në muskul, përfshirë të gjitha arteriet?- shton ai. Dhe kjo gjë zvogëlon ngurtësimin e arterieve tuaja, çka do të thotë se ka më pak rezistencë ndaj fluksit të gjakut, e cila mund të sjellë uljen e presionit të gjakut.

Presioni i lartë i gjakut, është një nga faktorët kryesorë të rrezikut për sëmundjet kardiovaskulare, të cilat nga ana e tyre janë shkaku numër një i vdekjeve në mbarë botën. Edhe pse mund të jetë e vështirë, ka shumë gjëra që mund të bëjnë njerëzit për të ulur presionin e gjakut, nga reduktimi i konsumit të kripës, mos konsumimi i alkoolit, apo kalimi i kohës me familjen dhe miqtë.

Por ndoshta mund t?i shtoni kësaj liste edhe disa ushtrime për shtriqjen e muskujve.

Studimet e mëparshme, tek kafshët dhe njerëzit, kanë treguar se si kjo praktikë mund të përmirësojë rrjedhën e gjakut në muskuj dhe indet e trupit tuaj.

Madje, një studim zbuloi se shtriqja ishte një mënyrë efektive për uljen e presionit të gjakut tek gratë gjatë shtatzënisë, madje më shumë sesa ecja. Për më tepër, ajo forcon indin lidhës, përmirëson fleksibilitetin dhe i ndihmon trupat tanë që t?i përshtaten më mirë intensitetit të stërvitjes fizike.

Në studimin e fundit, shtriqja u krahasuar me ecjen e shpejtë gjatë një prove8-javore që përfshinte njerëz me presion arterial mesatarisht të lartë. Gati 40 burra dhe gra, me moshë mesatare 61-vjeç, iu nënshtruan testit. Pjesëmarrësit nuk e dinin se çfarë po testonte kjo provë, por vetëm që ata duhej të përfundonin ushtrimet e tyre të caktuara, shtriqje ose ecje.

Një grup kreu 1 seancë 30-minutëshe të shtriqjes së muskujve 5 herë në javë, ndërsa të tjerët ecnin me një ritëm të shpejtë për të rritur rrahjet e zemrës. Para dhe pas programit 8-javor, ekipi hulumtues mati presionin e gjakut të pjesëmarrësve në 3 mënyra:kur njerëzit ishin ulur (sitë ishin në zyrën e një mjeku), në pozicion shtrirë (që mund të jetë më e sakta për matjen e hipertensionit) për një periudhë 24-orëshe, duke përdorur një monitor të lëvizshëm të presionit të gjakut.

Që të dyja grupet konsumonin sasi të ngjashme të kripës dietike, dhe vlerësimet treguan gjithashtu se pjesëmarrësit në studim nuk e zvogëluan aktivitetin e tyre tipik fizik për të bërë ushtrime shtesë, por përkundrazi ia shtuan atë të rutinës së tyre të zakonshme.

Pas 8 javësh, u vu re një ulje më e madhe e presionit të gjakut tek ata që ishin marrë me ushtrimin e shtriqjes së muskujve, në krahasim me ata që ecnin. ?Ky zbulim është i rëndësishëm, pasi u ofron njerëzve një numër më të madh opsionesh të ushtrimeve për uljen e presionit të gjakut?-shkruajnë autorët në studimin e tyre. Sa i përket mënyrës se si shtriqja e muskujve e ul presionin e lartë të gjakut, kjo ende kërkon hetim të mëtejshëm.

Përveç lehtësimit të qarkullimit të gjakut, kjo ulje mund të ketë të bëjë me frymëmarrjen e kontrolluar ngadalë që shoqëron natyrshëm shtriqjen. Ushtrimet e frymëmarrjes në praktikat e Jogës kanë qenë të lidhura gjithnjë me presionin e ulët të gjakut./CNA.al

https://www.sciencealert.com/stretching-might-be-more-effective-than-walking-to-lower-high-blood-pressure