Nga Klodian Tomorri/ Buxheti si llastiku i benevrekëve të kryeministrit

10 Shkurt 2021, 12:15, Opinione CNA

Ne nentor te vitit te kaluar, Ministria e Financave i propozoi qeverise projektbuxhetin e vitit 2021, bashke me tabelat shoqeruese te projeksioneve makrofiskale. Ne dokument, ekipet teknike ne MFE parashikonin qe per vitin 2021, arka e shtetit te mblidhte 479 miliarde leke te ardhura ne total, nga te cilat 143.5 miliarde do te vinin nga Tatimi mbi Vleren e Shtuar, taksa me e rendesishme e buxhetit.

Qeveria e miratoi draftin pa ndryshime duke ja percjelle Kuvendit per votim. Pas ketij momenti, mbi buxhetin ka nisur nje masaker e paprecedente duke e shnderruar ligjin me te rendesishem te vendit ne nje pacavure fiskale, ku fusin duart te gjithe.

Fillimisht ishte Komisioni Parlamentar i Ekonomise. Ne menyre absurde, Komisioni e rriti planin e TVSH-se me 4.6 miliarde leke ose rreth 40 milione euro te tjera, a thua se parate do te binin nga ajri. Por nuk mbaroi me kaq. Tre dite me vone, Klotilda Bushka, deputete e Komisionit te Ligjeve, propozoi nje amendament per te rritur edhe me 500 milione leke te tjera planin e te ardhurave nga TVSH. Halli i Bushkes, e cila nga projeksionet fiskale kupton aq sa shefi i saj, ishte qe te gjente nje shteg per ti dhene 500 milione leke shtese incineratorit te Tiranes. Dhe shtegun e gjeti duke bere shtese mbi shtesen e te ardhurave.

Ne total, dy shtesat ne Parlament e rriten planin e tvsh me 5.1 miliarde leke ose 42 milione euro. Por marrezia nuk do te ndalej as me kaq. Tre dite me pare, qeveria e rriti serish planin e TVSH-se, me 3.4 miliarde leke te tjera. Kete here per te financuar KQZ-ne per projektin e kontrollit biometrik te votuesve. Bashke me kete shtese, ne total plani i tvsh eshte rritur me 8.5 miliarde leke ose 70 milione euro krahasuar me projeksionin teknik te Ministrise se Financave. Ky nuk eshte me buxhet.

Projeksionet fiskale te vendit tani ngjasojne me shume me llastikun e benevrekeve, qe per koicidence edhe kryeministri i vesh shpesh ne daljet publike, madje dhe ato formale. Kur eshte ne nevoje, qeveria e shtrin dhe e shtrin llastikun e te ardhurave, njesoj si ai qe do te ajrose hallatet. Por marrezia fiskale nuk ajroset. Heret e vone, llastiku do te keputet dhe buxheti do te dale cullak, ashtu sic eshte ne te vertete.

Kur kjo te ndodhe, te gjithe ne do te kujtojme historine e deftereve te Cicikovit. Ashtu si qeveria jone, qe rrit planin e te ardhurave duke shpresuar t?i bien para nga qielli edhe Cicikovi i Gogolit mendonte se do te fitonte pasuri duke blere shpirtrat e njerezve te vdekur.

Ka vetem nje ndryshim. Ne nuk kemi vetem nje Cicikov, por qindra te tille dhe fatkeqesisht te gjithe keta po fusin duart te buxheti duke ajrosur hallatet e marrezise se tyre fiskale.