web counter
LEXO PA REKLAMA!

SHKARKO APP

App Store
Google Play

E fundit!

x

Nano gënjen/Ilir Meta, ska asnjë mëkat

6 Shkurt 2021, 18:19, Opinione CNA

Ish-kryeministri Fatos Nano, lider historik i  socialistëve dhe njeriu që po tretet nga ëndra presidenciale, ndezi flakën e debatit më një dalje në media pas më shumë se 12 vitesh.

Nano në fakt zbuloi se edhe ata që i kishte marrë me galloshe të grisura dhe i kishte bërë njërëz, por kishte dështuar, sepse fundja po e sulmonin për faktin se ai nuk sulmoi Edi Ramën.

Por Nano qitjen e tij e kishte tek Berisha dhe Meta. I pari e burgosi, I dyti e nxori nga politika. Të dy ishin personazhet më të sulmuara, por për Ilir Metën Fatos Nano tha se kishte të shtatë mëkatet e Biblës.

Kush janë 7 mëkatet?

Sipas Biblës 7 mëkatet janë këto:

1)KRENARIA

2)KOPRACIA

3)EPSHI

4)ZEMERIMI

5)ZILIA

6)PERTACIA

7)LAKMIA

Fatos Nano në fakt duhet ta dijë se Ilir Meta, nuk ka 7 mëkate se këto që kanë shkruar në Bibël nuk mund të jenë për Metën. Ai nuk është mëkatar.

Mjafton të pyesësh bashkëpunëtorët e tij më të ngushtë për këto 7 mëkate, apo edhe Monikën që I  tregon me humor dhe e kupton të vërtetën.

Meta nuk është krenar, por thotë se si ai ska tjetër dhe pa të sbehet asgjë, edhe Saliun e vuri përfund e jo më Ramën. Nuk flet kurrë sa i zoti është, e sa shumë e vlerëson veten. Kurrë si thotë këto.

Koprac, ka vite që nuk paguan se ka qenë mjaë karriges por kur nuk ka kërkon borxhe dhe nuk i kthen, po kjo sdo të thotë që është koprac. Po çfarë të japë i varfër i shkreti, helbete.

Për çështjet e epshit e ngatërrojnë kot, megjitë historitë se Mona ka shkulur flokë personazhesh publikë, janë histori të vjetra, tani Iliri ska epshe, por shfryrje epshesh. Edhe mosha ja stimulon shumë. Me Monën një jetë është për të qarë hallin.

Zemërimi tek Ilir nuk ekziston ai thjesht bërtet e ulëret, thyen telefona, thonë që ka gjuajtur dhe Tit Vasilin njëherë më tavëll duhani, por Titi nuk mban inat e thotë se ka nga zemërimi por nga dashuria.

Nuk mund të bëhet fjalë për ziliqar, përkundrazi po pa njerëz që janë me të pasur se ai thjesht i fton ti ndajnë lekët me të. Maksimumi mërzitet kur shikon se Irfani ri më shumë me Lulin.

Përtac nuk është, ai punon shumë, gjithë jetën në karrige e zyrë, dikur ishte si derkuc por tani më shumë ri klubeve e bëhet tapë me Çim Pekën, sesa në zyrë. Nuk përton fare kur bie fjala të marrë ndonjë lekë, po ja çoi ndonjë biznesmen si zgjidhje pazari me Ramën. Vrapon i shkreti pas parasë.

Për lakmi ai nuk bëhet fjalë ta ketë, po fare këtë mëkat. Thonë që vdes për florinjtë dhe t’ë rrëmbejë çfarë i shikon syri apo i dëgjojnë veshët. Thjesht do të jetë içik si Sheik e Sulltan në Shqipëri.

Prandaj Fatos Nano flet kot kur thote për 7 mëkatet e Bibles se Iliri ka dhe të mira të tjera. Nuk e njef tradhëtinë, është besnik i paparë, nuk shet shokët, nuk spiunon, nuk bën intriga është i ndershëm dhe shumë i sinqertë.

Meta ka shumë vitryte dhe jo 7 mekatët e Biblës, tek Iliri ska mëkate sepse ato janë për njerzit ai është një djall./CNA.al

 

p.s.  Dhe po jemi ngatruar pak e kemi pa qëllim, por nga dashuria për Ilirin, ju ftojme të komentoni me qetësi e dashuri.





Lajmet e fundit nga