Pse pneumonia e Covid-19 zgjat më shumë, dhe shkakton më tepër dëme sesa pneumonia tipike

13 Janar 2021, 07:29, Blog CNA

Bakteret ose viruset si gripi i zakonshëm që shkaktojnë pneumoni, mund të përhapen me kalimin e orëve nëpër zona të mëdha të mushkërive. Në repartet e kujdesit intensiv nëpër spitale, këto baktere ose viruse vihen nën kontroll ose përmes antibiotikëve, ose nga sistemi imunitar i trupit brenda ditëve të para të sëmundjes.

Por në një studim të botuar së fundmi, ekspertët e mjekësisë nga Universiteti Northestern në SHBA, tregojnë se pneumonia e shkaktuar nga Covid-19 është e ndryshme. Në vend se të infektojë me shpejtësi rajone të gjera të mushkërive, virusi që shkakton Covid-19 krijon ?baza? në zona të vogla të mushkërive.
Pastaj pushton qelizat imune të mushkërive, dhe i përdor ato për t?u përhapur nëpër mushkëri për një periudhë prej shumë ditësh apo edhe javësh. Ndërsa infeksioni lëviz ngadalë nëpër mushkëri, ai lë dëme gjatë rrugëtimit të tij,dhe shkakton vazhdimisht ethe, presion të ulët të gjakut, dhe dëmtim të veshkave, trurit, zemrës, dhe organeve të tjera tek pacientët e prekur nga Covid-19.

Ndërlikimet e rënda të Covid-19, krahasuar me pneumonitë e tjera, mund të lidhen më shumë me ecurinë e gjatë të sëmundjes sesa me sëmundjen më të rëndë, thanë autorët e studimit. Ky është studimi i parë, në të cilin shkencëtarët analizuan në një mënyrë sistematike qelizat imune nga mushkëritë e pacientëve me pneumoni të shkaktuar nga Covid-19, duke i krahasuar ato me qelizat nga pacientët me pneumoni apo viruse dhe baktere të tjera.

Si rezultat i analizës së hollësishme, studiuesit identifikuan elementë më të rëndësishëm për të trajtuar pneumoninë e rëndë të shkaktuar nga SARS-CoV-2,me synim zvogëlimin e dëmeve që ajo lë pas. Synimet janë qelizat imune:makrofagët dhe qelizat T. Studimi sugjeron që makrofagët – qelizat që zakonisht merren me mbrojtjen e mushkërive – mund të infektohen nga SARS-CoV-2, dhe mund të kontribuojnë në përhapjen e infeksionit përmes mushkërive.

Ekspertët e këtij studimi do të testojnë në fillim të këtij viti një ilaç eksperimental tek pacientët me pneumoni të shkaktuar nga Covid-19. Ilaçi që do të testohet,zbeh reagimin inflamator të këtyre qelizave imune, duke i dhënë kësisoj mundësinë për të filluar procesin e riparimit tek mushkëritë e dëmtuara.

?Synimi ynë është t`a bëjmë Covid-19 me simptoma më të buta në vend të atyre të rënda, duke e bërë atë të krahasueshëm me një ftohje të rëndë?- thotë bashkë-autor i studimit dr. Skot Badinger, shef i mjekësisë pulmonare dhe i kujdesit reanimator në Shkollën e Mjekësisë Feinberg të Universitetit Northwester.
Nga ana tjetër,bashkautori tjetër i studimit,dr.Ben Singer, asistent profesor i mjekësisë pulmonare dhe i shërbimit reanimator në Northwestern, thotë se Covid-19, ashtu si gripi i zakonshëm, nuk ka gjasa që të zhduket ndonjëherë, edhe nëse vaksinohet shumica e popullsisë së botë.

?Tashmë ne po parashikojmë se cilët do të jenë mekanizmat, me të cilët ky virus i ARN, që ndryshon shpejt, mund të shmangë vaksinat që janë aktualisht në dispozicion kundër tij. Ky studim do të na ndihmojë që të zhvillojmë trajtime që zvogëlojnë ashpërsinë e Covid-19 tek ata që e zhvillojnë këtë formë të rëndë të sëmundjes?-thotë Singer.

Gjithashtu,studimi zbuloi se vdekshmëria midis pacientëve me Covid-19 të vendosur në një ventilator, ishte më e ulët se ajo e pacientëve në të njëjtat kushte por me pneumoni të zakonshme. Ata që kanë pneumoni për shkak të Covid-19 janë të sëmurë për një kohë të gjatë. Por inflamacioni në mushkëritë e tyre, nuk është aq i rëndë sa pneumonia e zakonshme.

?Nëse pacientët me Covid-19 menaxhohen me kujdes, dhe sistemi spitalor nuk është i mbingarkuar, ata mund të shërohen. Këta pacientë janë shumë të sëmurë. Duhet shumë kohë që t`a marrin veten. Por nëse keni mjaftueshëm shtretër dhe staf spitalor shëndetësor, mund t`a mbani vdekshmërinë në nivelin 20 për qind. Kur sistemet shëndetësore mbingarkohen, nivelet e vdekshmërisë dyfishohen, pra arrijnë deri në 40 për qind?./Përshtatur nga CNA.al

Burimi: https://medicalxpress.com/news/2021-01-covid-pneumonia-longer-typical.html