web counter
LEXO PA REKLAMA!

SHKARKO APP

App Store
Google Play

E fundit!

x

Dezinformimi nga establishmenti politik, po e “vret” demokracinë perëndimore

19 Tetor 2020, 07:22, Blog CNA

Nga Jeff Giesea ?American Greatness?

* Disa vjet më parë, mora pjesë në një grup pune të sigurisë kombëtare mbi problemin e dezinformimit. Isha i vetmi në grupin prej rreth 20 personash, që e mbështetja haptazi Donald Trumpin në vitin 2016. Të pranishmit e tjerë ishin të njerëz të zgjuar dhe profesionistë, por mes tyre kishte një çekuilibër të dukshëm në përfaqësimin partiak.

Që atëherë, e kam vëzhguar komunitetin që prodhon dezinformime, dhe e kam studiuar thellë këtë dukuri. Përfundimi im? Prodhimi i dezinformimit, më shumë se sa çdo formë tjetër e dezinformimit, është duke e vrarë demokracinë perëndimore.

Dhe dezinformimi i ardhur nga establishmenti politik, i ka shkaktuar më shumë dëme demokracisë botës perëndimore, se çdo forcë tjetër në dy dekadat e fundit. Për shembull, merrni parasysh pasojat nga fushatat që promovojnë gënjeshtra mbi armët e shkatërrimit në masë.

Narrativa e portalit WMD, krijoi pretekstin se luftërat i kushtuan Amerikës 6.4 trilionë dollarë dhe 801.000 jetë njerëzish, sipas një studimi të Universitetit Braun. Dhe ne vazhdojmë të paguajmë çmimin e tyre.

Shkalla e vetëvrasjeve midis veteranëve, mbetet sa dyfishi i mesatares kombëtare në SHBA, dhe ne nuk kemi ikur ende nga Afganistani pas gati 20 vjetësh. Shihni edhe ndikimin e narratives së rremë të bashkëpunimit me rusët – jetën publike të polarizuar, humbjen e besimit të publikut tek institucionet, rritjen e polarizimit dhe dëmtimin e transferimit paqësor të pushtetit presidencial, që është një gur themeli i një demokracie të shëndetshme.

Tashmë është një fakt i provuar që Hilari Klinton dhe bashkëpunëtorët e saj në Komitetin Demokratik Kombëtar, ndërmorën një fushatë dezinformimi të koordinuar, duk shpenzuar miliona dollarë për ta sabotuar garën e Donald Trumpit, dhe për të tërhequr vëmendjen nga skandali i saj me postën elektronike private.

Media e estalishmentit, përforcoi pa rreshtur narrativat e rreme dhe paranojake, shumë prej të cilave u pasuruan me dezinformata të reja ruse, të nxjerra nga dosja e Still. FBI e dinte që dosja e këtij të fundit dhe narrativa e bashkëpunimit ishin false.

Ashtu siç ata e dinin se Klinton i kishte përdorur ato, për të mbuluar skandalin e saj me postën elektronike. Ata e përdorën edhe si një justifikim për të spiunuar fushatën e Trumpit, për të filluar hetimin me Robert Mylerin, duke falsifikuar rrugës dokumentet.

Veprimet e FBI-së, përfaqësojnë abuzimin më të madh me pushtetin në gjysmë shekullin e fundit, dhe ato u ushqyen kryesisht nga dezinformimi i ardhur nga establishmenti. Tani kujtoni pak shkatërrimet reale të shkaktuara nga narrativa e racizmit policor pas vdekjes në maj të afro-amerikanit Xhorxh Floid.

Shumë prej këtyre rrëfimeve bazoheshin në gënjeshtra, anekdota dhe incidente, ku informacioni i plotë censurohej, për të çuar përpara përpjekjet për mobilizimin e turmave nga ?Black Lives Matter? dhe ANTIFA. Vandalizmi dhe plaçkitjet që ndodhën në ato javë, shkaktuan dëme me një kosto 1-2 miliardë dollarë.

Vrasjet në 50 qytetet më të mëdha të Amerikës, janë shtuar me 24 për qind në krahasim me vitin  shkuar. Plaçkitjet dhe trazirat, u zhvilluan në sfondin e të ashtuquajturit ?Projekti 1619?, një përpjekje dezinformimi e gazetarinë së establishmentit, që e deformon historinë e themelimit të Amerikës, në një mënyrë që ?Russia Today? apo ?People Daily? e Kinës, vetëm mund ta ëndërronin.

Pastaj është ngjarja më shkatërruese e vitit 2020:pandemia. Dezinformimi i establishmentit rreth Covid-19, është i vështirë të dallohet. Por cilido që i kushton pak vëmendje, mund të shohë gjurmët e përpjekjeve për të çuar përpara disa narrativa, dhe për t?i çensuruar të tjerat.

E mbani mend kur autoriteti kryesor i mjekësisë në SHBA-së, tha në fillim se maskat nuk ishin efektive në frenimin e pandemisë, dhe pastaj ndërroi mendje? Apo si u përndoq dikush, që vinte në dyshim bllokimet?  Apo si Facebook dhe Tëitter, bllokuan postimet që minimizonin numrin e vdekjeve nga Covid?

Tani edhe Organizata Botërore e Shëndetësisë, e ka moderuar pozicionin e saj për bllokimet, të cilat kanë shkaktuar një humbje të paparë të vendeve të punës, mbyllje të bizneseve, dhe një dëm ekonomik serioz.

Dezinformimi i establishmentit,  vjen nga të dy anët e rreshtimit politik, por radikalizimi ?finok? i të majtës, i kombinuar me mediat me prirje të majtë, i kanë dhënë asaj një ?aromë? shumë të majtë. Kështu sulmet e rreme kundër Xhuzi Smolet dhe Altea Bershtajn, u bënë nga e njëjta media që shpifi mbi Kovington dhe Bret Kavanoug.

Rrjedhjet e informacionit që godasin Trump, nuk shqyrtohen apo censurohen në të njëjtën mënyrë, siç ndodh me ato që shënjestrojnë Xho Bajdenin apo djalin e tij Hanter. Siç tha me shaka një mik i imi së fundmi:?Mendova se po bëheshim më shumë si Brazili. Përkundrazi po dukemi më shumë si Gjermania Lindore!?.

Dezinformimi nga ana e establishmentit politik, abuzon me besimin e publikut. Shumë shpesh, ai kalon i pa vënë re. Askush në komunitetin e ekspertëve, kundër dezinformimit nuk flet për të. Derisa të përballemi me këtë problem, demokracia perëndimore do të vuajë dhe ngritja e një forme të re, të rrjetëzuar të tiranisë, që do të ndëshkojë ata që dalin nga rreshti./ Përshtatur nga CNA.al





Lajmet e fundit nga