E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Një ditë para përfundimit të afatit/ Meta thirrje juristëve: Kandidoni për vendin vakant në Gjykatën Kushtetuese

13 Tetor 2020, 18:23, Politikë CNA

Presidenti Ilir Meta ka bërë një thirrje për plotësimin e vendit vakant gjyqtar në Gjykatën Kushtetuese, për shkak të përfundimit para kohe të mandatit të një prej ish-gjyqtarëve.

Kur ka mbetur edhe një ditë nga përfundimi i këtij afati, Meta i bën thirrje publike dhe inkurajon të gjithë juristët me integritet, pjesë e sistemit të drejtësisë ose jo, që plotësojnë kushtet e kandidimit të mos hezitojnë për të aplikuar për këtë pozicion në Gjykatën Kushtetuese.

“Pas përfundimit të procedurës së aplikimit, lista e kandidatëve aplikues dhe dokumentacioni shoqërues i përcillet Këshillit të Emërimeve në Drejtësi për vlerësim sipas ligjit. Emërimi si Gjykatës Kushtetues, është nder për personin që aplikon dhe njëshërbim i madh për Shqipërinë, për ruajtjen e sovrantitetit dhe demokracisë sëvendit, dhe mbi të gjitha njëhap i rëndësishëm për të ardhmen Evropiane të Shqipërisë.

Ripërtëritja dhe bërja plotësisht funksionale e Gjykatës Kushtetuese, por dhe e Gjykatës së Lartë janë kushte kryesore të çeljes së negociatave dhe plotësimi i këtyre kushteve kërkon jo vetëm angazhimin e të gjitha institucionevetëpërfshira por duhet tëgjejë dhe mbështetjen e shoqërisë shqiptare e cila brenda saj ka plotë juristë me integritet që dëshirojnëtë japin kontributin e tyre në këtë proces kaq të rëndësishëm.

Për juristët me integritet, edhe sikur 1 ditë të vetme të jenë anëtarë tëGjykatës Kushtetuese është vlerë e shtuar në karrierën e tyre në sistemin e drejtësisë. Ripërtëritja e Gjykatës Kushtetuese është jetike për Shqipërinë! Thirrja është e hapur deri në datën 14 tetor, ndaj Presidenti i Republikëssot i fton të aplikojnë dhe të mos ndihen të frikësuar nga procesi i verifikimit që do të pasojë në KED”, thuhet në deklaratë.

Ndërkohë, Meta i bën thirrje edhe Këshillit të Lartë Gjyqësor që të punojë në mënyrë të pandreprerë në drejtim të verifikimit dhe vlerësimit të kandidaturave për plotësimin e të gjitha vendeve vakante në Gjykatën e Lartë.

Sipas tij, Gjykata Kushtetuese duhet të jetë plotësisht funksionale me të 9 anëtarët e saj, në mënyrë që gjatë shqyrtimit të çështjeve kjo trupë gjyqësore të mos hasë në asnjë pengesë proceduriale që bën të pamundur marrjen e vendimeve për themelin e pretendimeve kushtetutese të ngritura nga palët.

Kujtojmë se kjo është e treta here që Presidenti shpall thirrjen për plotësimin e këtij vendi vakant, pasi në të dy procedurat e mëparshme, kandidatët që shprehën interesin ose janë tërhequr gjatë garës, ose nuk janë kualifikuar nga KED gjatë procesit të verifikimit të tyre./ CNA.al