E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Partia Agrare Ambientaliste: Rama punon për Oligarkinë jo për Bujqësinë

13 Tetor 2020, 14:18, Politikë CNA

Partia Agrare Ambientaliste përmes një deklarate për mediat, shkruan se buxheti për bujqësinë është shkurtuar.

Sipas PAA, buxheti për oligarkinë shtohet me qindra milion euro çdo muaj.

“Shifrat e buxhetit afatmesëm 2020-2022 i nxjerrin bojën fasadës demagogjike të Ramës dhe vërtetojnë dështimin e Rama-qeveri me fshatin.

Braktisja e fshatit është plaga më e rëndë e dështimit, shifrat dhe pasojat janë alarmante;

Buxheti i Rama-qeveri për bujqësinë u rrit për propagandë në 2020 dhe është parashikuar të ulet në vitin 2021 dhe 2022 (tabela);

Në 2020 nga 1000 lekë të PBB-së vetëm 57 lekë kalojnë për bujqësinë, në 2021 mbështetja ulet në 56/1000 lekë;

Në 2020-2022 më pak se 2 lekë nga 100 lekë të buxhetit të shtetit shkojnë për bujqësinë;

Rama deklaroi se ka rritur thithjen e fondeve të BE-së për bujqësinë por kur mbështetja totale nuk rritet por ulet; kjo vërteton se Rama punon për oligarkinë jo për bujqësinë pasi ai ka ulur fondet e qeverisë për bujqësinë duke i alokuar për oligarkët.

PAA komplimenton Ramën për aftësinë kopjuese por vetëm për qëllime demagogjike të kërkesave të PAA të përsëritura për heqjen e akcizës së naftës, të cilin kryetari i PAA e hoqi kur shërbeu si ministër i bujqësisë në qeverisjen socialiste 2001-2005.

Vetëm qeveritarët e dështuar dhe kopjacët e këqij ?bëjnë? në 7 minuta kopjo, atë që s?bëjnë tetë vite në qeverisje.

PAA ka përgatitur një program konkret për ndaljen e braktisjes dhe varfërimit të zonave rurale, për mbështetjen e fermerëve, për skema sigurimi risku nga fatkeqësitë natyrore, për sigurinë ushqimore dhe ekonominë e gjelbërt.

Ky program i përgatitur nga ekspertët më të mirë të politikave bujqësore do të prezantohet për publikun dhe do të jetë një ftesë e hapur për bashkëpunim të pa kushtëzuar por të bashkuar, për një Shqipëri sa më shpejtë jashtë modelit të dështuar të Ramarumpallës.”/CNA.al