web counter
LEXO PA REKLAMA!

SHKARKO APP

App Store
Google Play

“Gjakun e ka zëvendësuar me gjethen e kanabisit”/ Meta paralajmëron Ramën: Ka filluar numërimi mbrapsht

13 Tetor 2020, 13:42, Politikë CNA

Përplasjet mes presidentit Ilir Meta dhe kryeministrit Edi Rama vijojnë të thellohen.

Në një postim në rrjetet sociale, Meta akuzon kryeministrin Edi Rama se ka nxjerrë në shitje Shqipërinë dhe Kosovën.

Po ashtu, ai thotë se Rama është armiku më i egër i socialistëve idealistë, që guxoi sot të fyejë edhe simbolin e tyre dhe të Partisë Socialiste.

Sipas Metës, trëndafilin e kuq si gjaku, prej kohësh e ka zëvendësuar me gjethen e kanabisit dhe barin e egër të Rilindjes.

?Esati i Rilindjes, zëdhënësi i armiqve të Kombit Shqiptar, guxoi sërish sot të marrë nëpër gojë Vojo Kushin, duke ofenduar për të disatën herë Dëshmorët e Atdheut, familjarët e tyre, veteranët dhe të gjithë shqiptarët që nderojnë dhe krenohen me vlerat e Luftës Antifashiste Nacionalçlirimtare.

Esati i Rilindjes, pengu i armiqve më të egër të Kombit Shqiptar, që ka nxjerrë në shitje Shqipërinë dhe Kosovën provoi para të gjithë shqiptarëve për të disatën herë se i urren Dëshmorët dhe Heronjtë e Atdheut, si Vojo Kushi, që kanë sakrifikuar gjithçka, duke falur edhe jetën e tyre, për Atdheun!

Esati i Rilindjes, armiku më i egër i socialistëve idealistë, guxoi sot të fyejë edhe simbolin e tyre dhe të Partisë Socialiste, trëndafilin e kuq si gjaku, që prej kohësh e ka zëvendësuar me gjethen e kanabisit dhe barin e egër të Rilindjes, që rritet në llumin e oligarkisë dhe bandave.

Esati i Rilindjes duhet ta ketë të qartë se numërimi mbrapsht për të dhe Sektin pa nder, pa vlera e pa Atdhe që përfaqëson, ka filluar dhe NUK DO NDALET!

TRE MILIONË ILIRË NË 25 PRILL I KA GATI!

Dhe nuk më thua, o trendi buburrec, kur do dalësh në përballje me mua?

Mezi po të pres!?-shkruan Meta./ CNA.al





Lajmet e fundit nga