web counter
LEXO PA REKLAMA!

SHKARKO APP

App Store
Google Play

E fundit!

x

“Deklaratat për bujqësinë janë mashtrime”/ Kryemadhi tregon synimin e Ramës

13 Tetor 2020, 17:35, Politikë CNA

Kryetarja e LSI, Monika Kryemadhi ka komentuar deklaratat e kryeministrit Edi Rama në konferencën për bujqësinë.

Ajo tha në Abc News se premtimet e sotme janë një mashtrim pasi ato që kryeministri tha sot i ka premtuar edhe në vitin 2013.

Sipas Kryemadhit, synimi i kryeministrit është që të fitojë kohë, pasi pas 7 vitesh njerëzit po e refuzojnë dhe deputetët e kësaj force politike nuk po arrijnë të takojnë dot njerëzit.

?Kryeministri Rama zhvilloi sot një konferencë për shtyp nga ku bëri me dije se fermerët duke filluar nga viti 2021 do ta marrin naftën pa akcizë, pa taksë karboni dhe pa taksë qarkullimi.

Ky është mashtrim. Po të dëgjojmë gjithë reagimet e Kryeministrit kemi premtimet e 2013-s kur premtonte se do të bënte 240 milion euro fondacione, do hiqte akcizën e naftës, do mblidhte naftën bruto etj, etj. Por, ka një tjetër problem.

Rama e thotë tani për të pasur mundësinë t?u japë shansin njerëzve të vetë të dalin në terren të takohen me njerëzit , sepse nuk po arrijnë dot ta bëjnë këtë gjë. Drejtuesit e Rilindjes nuk po arrijnë dot të takojnë strukturat e Partisë Socialiste në terren. Kjo e gjitha vjen për shkak të degradimit të marrëdhënies që ka midis Rilindjes, qeverisjes dhe votuesve të Partisë Socialiste, të cilët për hir të së vërtetës kanë qenë votues tradicionalë, të cilët sot jo vetëm po rrudhen, por edhe po distancohen çdo ditë e më shumë?, u shpreh kryetarja e LSI./ CNA.al





Lajmet e fundit nga