web counter
LEXO PA REKLAMA!

SHKARKO APP

App Store
Google Play

E fundit!

x

“Bindja Demokratike gati për të dalë e vetme në garë”/ Arben Skënderi: Prioritet kemi programin e saktë

13 Tetor 2020, 16:45, Politikë CNA

Anëtari i Bindjes Demokratike Arben Skënderi, ka folur për zgjedhjet e ardhshme parlamentare dhe ka treguar planet e partisë ku bën pjesë.

Skënderi tha se Bindja Demokratike është e përgatitur që të dalë e vetme në garë, por theksoi se mund të bëjnë edhe bashkëpunime duke u bazuar mbi principet dhe ndershmërinë.

?Ne jemi përgatitur të dalim të vetëm në garë, pastaj, çdo lloj bashkimi parazgjedhor mbi bazën e principeve dhe ndershmërisë, jemi të hapur të bashkëpunojmë. Ne nuk përjashtojmë askënd, por larguam mundësinë e bashkëpunimit me shkaktarët e gjendjes ku ndodhet sot Shqipëria. Nuk mund të bashkëpunojmë me njerëz që tjetër gjë thonë sot e tjetër nesër. Këta njerëz nuk e kanë fare problem që të kthejnë çdo gjë në pazar?, u shpreh ai në A2.

Më tej, Skënderi deklaroi se parashikimet që ka bërë Bindja Demokratike kanë dalë të sakta.

?Në 30 qershor pati një bullizëm të theksuar ndaj Bindjes Demokratike, por dolën të gjitha ato që kishim parashikuar. Sot, opozita do të futet në zgjedhje me më pak të drejta dhe me më pak hapësira veprimi?, theksoi ai.

Anëtari i BD-së nënvizoi se prioritet i partisë ku bën pjesë është një program i saktë dhe i besueshëm, pasi pretendon se njerëzit janë të lodhur dhe të mashtruar.

?BD e ka sot prioritetin për një program të saktë dhe të besueshëm. E rëndësishme është që jemi shtrirë në nivel kapilar në të gjithë vendin. Njerëzit janë të lodhur dhe të mashtruar. Në takimet e para të një partie të re, shikon mosbesimin në sytë e njerëzve. Ne nuk duhet të kufizohemi te zgjidhja e hallit të shqiptarëve, por duhet të mendojmë për frymën që duhet të përcjellim, çfarë do të ndodhë në 30 vitet e ardhshme?, përfundoi Skënderi./ CNA.al





Lajmet e fundit nga