LEXO PA REKLAMA!

SHKARKO APP

“Lëkundet prokuroria e milionerëve”/ Zbulohet një prokurore që jeton vetëm me pagën

11 Tetor 2020, 11:12, Vetingu CNA

Në Qershor të këtij viti, prokurorja Armida Hamiti (Moçka) u përzgjodh nga shorteu i Komisionit të Pavarur të Kualifikimit për rivlerësim.

Prokurorja Hamiti (Moçka) e ka nisur karrierën në Vlorë në vitin 2011 dhe më pas  është transferuar në Tiranë. Emri i saj është përfolur në rastin e Nazer Seitajt.

Ky rast i kushtoi prokurores Hamiti (Moçka), hetim disiplinor. Kujtojmë se ish Kryeprokurorja e përkohshme Arta Marku urdhëroi ndjekje disiplinore edhe për prokuroren Armida Hamiti (Moçka), e cila ka përfaqësuar akuzën në gjykatë, në dosjen e ekstradimit të Nazer Seitajt, i njohur ndryshe si financieri i grupit ?Habilaj? për trafikun e drogës Shqipëri-Itali.

Nuk dihet se si ka rrjedhur ky hetim disiplinor, por urdhri i Markut, në atë kohë, u duk sikur po mbulonte fajtorët e vërtetë që lejuan ekstradimin të Nazer Seitajt.

Në aspektin pasuror, mund të thuhet se prokurorja Armida Hamiti (Moçka), mund të jetë e vetmja në Prokurorinë e Tiranës që të ardhurat i ka vetëm nga paga e saj dhe bashkëshortit gjyqtar Gentjan Hamiti.

Të gjesh një prokurore apo prokuror që jeton vetëm me pagën dhe që nuk ka marrë dhurata, që nuk ka prindër, vjehërr, kunetër, motra e vëllezër të pasur në ?prokurorinë milionere? të Shqipërisë, mund të konsiderohet një zbulim.

Më poshtë po sjellim të detajuar pasurinë e deklaruar nga prokurorja Armida Hamiti (Moçka).

Viti 2011 (Deklarata fillestare)

Akti i marrjes së tokës në përdorim, në bashkëpronësi me sip 5 000 m2, Mifol.

Akti i marrjes së tokës në përdorim, në bashkëpronësi me sip 18 619 m2, në Mifol.

Shpronësim nga rruga Levan-Vlorë në shumën 710 000 lekë të reja.

Kontratë porosie pë ap banimi me sip 116 m2, me vlerë 50 000 euro.

Të ardhura nga paga e magjistraturës në shumën 378 000 lekë.

Të ardhura nga aktiviteti privat i familjes, bujqësi, ullishte, vreshtari në shumën 53 000 euro.

Viti 2011 (Deklarata vjetore)

Akti i marrjes së tokës në përdorim, në bashkëpronësi me sip 5 000 m2, Mifol.

Akti i marrjes së tokës në përdorim, në bashkëpronësi me sip 18 619 m2, në Mifol.

Shpronësim nga rruga Levan-Vlorë në shumën 710 000 lekë të reja.

Kontratë porosie pë ap banimi me sip 116 m2, me vlerë 50 000 euro.

Të ardhura nga aktiviteti privat i familjes, bujqësi, ullishte, vreshtari në shumën 53 000 euro.

Të ardhura nga paga e magjistraturës në shumën 1 008 000 lekë.

Të ardhura nga paga si prokurore në Vlorë në shumën 253274 lekë.

Viti 2012

Blerë garazh me sip 23,04 m2me vlerë 500 000 lekë.

Blerë automjeti tip Peugeot në shumën 100 000 lekë.

Të ardhura nga paga si prokurore në Vlorë në shumën 769 027  lekë.

Të ardhurat nga interesat e depozitës bankare në shumën 243,37 lekë.

Të ardhurat nga interesat e depozitës bankare në shumën 641,81 lekë.

Bashkëshorti blerë Peugeot me vlerë 3 500 euro.

Të ardhura nga paga si gjyqtar në shumën 851 815 lekë.

Viti 2013

Të ardhura nga paga si prokurore dhe nga leja e lindjes në shumën 962 880 lekë.

Të ardhurat nga interesat e depozitës bankare në shumën 37 291 53 lekë.

Të ardhurat nga interesat e depozitës bankare në shumën 623 01 lekë.

Të ardhurat nga interesat e depozitës bankare në shumën 725 42 lekë.

Të ardhura nga paga si gjyqtar të bashkëshortit në shumën 851 815 lekë.

Viti 2014

Të ardhurat nga interesat e depozitës bankare në shumën 23342 20 lekë.

Të ardhurat nga interesat e depozitës bankare në shumën 419 91 lekë.

Të ardhura nga paga si gjyqtar të bashkëshortit në shumën 410 euro.

Të ardhura nga paga si prokurore dhe nga leja e lindjes në shumën 618 923 lekë.

Kursime të bashkëshortit në shumën 200 000 lekë.

Bashkëshorti të ardhura nga paga si gjyqtar në shumën 1 015 670 lekë.

Viti 2015

Shitet automjeti Peugeot, me vlerë 1 000 euro.

Blerë Volsvagen me vlerë 1 450 euro.

Të ardhura nga paga si prokurore në Tiranë, në shumën 751 171 lekë.

Kursime të bashkëshortit në shumën 200 000 lekë.

Gjendja e llogarisë së bashkëshortit në shumën 3544 22 lekë.

Bashkëshorti të ardhura nga paga si gjyqtar në shumën 1 030 638 lekë.

Viti 2016

Të ardhura nga paga si prokurore në Tiranë, në shumën 984 084 lekë.

Bashkëshortja, të ardhura të përfituara nga shitja e makinës në shumën 3000 euro.

Gjendja e llogarisë së pagës së bashkëshortit, në shumën 2 779 42 lekë.

Bashkëshorti të ardhura nga paga si gjyqtar në shumën 1 052 448 lekë.

Viti 2017

Gjendja e llogarisë së pagës e subjektit deklarues në shumën 791 52 lekë.

Të ardhura nga paga si prokurore në Tiranë, në shumën 1 036 805 lekë.

Gjendja e llogarisë së pagës së bashkëshortit, në shumën 842 52 lekë.

Bashkëshorti të ardhura nga paga si gjyqtar në shumën 1 047 440 lekë.

Bashkëshorti dieta nga një seminar në Mal të Zi, në shumën 27 592 lekë.

Viti 2018

Të ardhura nga paga si prokurore në Tiranë, në shumën 1 109 216 lekë.

Gjendja e llogarisë së pagës së bashkëshortit, në shumën 31 034 52 lekë.

Bashkëshorti të ardhura nga paga si gjyqtar në shumën 1 068 692 lekë./CNA.al

Lajmet e fundit nga