web counter
LEXO PA REKLAMA!

SHKARKO APP

App Store
Google Play

U infektua me Covid/ Rëndohet gjendja e ish-deputetit të PS-së, kalon në reanimacion

27 Korrik 2020, 18:22, Politikë CNA

Gjendja shëndetësore e ish deputetit të PS-së, Fatmir Toçi, i infektuar me Covid-19, duket se është rënduar.

Burime mediatike bëjnë me dije se mjekët janë detyruar që ta dërgojnë në reanimacion pas rëndimit të gjendjes së tij.

Dy ditë më parë Toçi bëri dhe një reagim të gjatë në rrjete sociale për shëndetin e tij, teksa i bënte thirrje qytetarëve që të merrnin masat dhe të ruheshin nga Covid.

?Interesimi i të afërmve, miqve, të njohurve dhe dashamirësve të shumtë për gjendjen time shëndetësore, pas prekjes nga Covid-19 ma ka bërë më të lehtë përballimin e kësaj situate, si pjesë e rëndësishme e trajtimit shëndetësor që po përdoret, me sa duket deri tani, me sukses.

Në pamundësi për t?iu përgjigjur mijëra mesazheve dhe interesimeve të vazhdueshme në forma të tjera nga e gjithë bota, informoj se gjendja duket e stabilizuar, edhe pse beteja me Covidin-19 vazhdon dhe, me sa duket, do të zgjasë akoma.

Nuk di si t?ju falënderoj për forcën dhe kurajën që me keni dhënë në këto çaste të vështira për mua dhe familjen time, duke demonstruar vlerat e një shoqërie humane e të qytetëruar, siç ka qenë dhe është shoqëria shqiptare.

Mirënjohje dhe dashuri të pafund për personelin e Spitalit Universitar ?Shefqet Ndroqi?, mjekë, specialistë e infermierë, profesionalizmi, kujdesi dhe humanizmi i të cilëve janë shfaqja më dinjitoze e misionit që kanë marrë përsipër dhe i kanë kushtuar jetën e tyre.

Çfarë të them për Prof. Perlat Kapisyzin, drejtorin e institucionit?! Disa njerëz janë lindur e formuar për të qenë misionarë me punën e tyre, me ndikim dhe kontribute te jashtëzakonshme në shoqëri, dhe do të thoja pa hezitim, ky është një nga rastet më të spikatur.

Zoti i ruajttë dhe u dhëntë forcë! Shoqëria ka nevojë jetike për ata sot më shumë se kurrë, ashtu sikurse edhe ata kanë nevojë që të gjithë ne të jemi më të ndërgjegjshëm e më të përgjegjshëm përsa po ndodh realisht në të gjithë botën.? shkruan ish deputeti./CNA.al





Lajmet e fundit nga