web counter
LEXO PA REKLAMA!

SHKARKO APP

App Store
Google Play

Rama doli në mbrojtje të Gonxhes/ Zhupa: E promovoi si modelin e babëzisë dhe korrupsionit

27 Korrik 2020, 17:30, Politikë CNA

Zëdhënësja e Partisë Demokratike, Ina Zhupa, ka sulmuar kryeministrin Edi Rama pasi ky i fundit doli sot në mbrojtje të drejtorit të DPSHTRR-së, Blendi Gonxhe.

Ndonëse Zhupa ka denoncuar prej ditësh sesi kompania e Gonxhes ka fituar miliona lekë nga qeveria me kompaninë që ka në emër të gruas, Rama sot i jepte lëvdata.

Demokratja deklaron në një postim në rrjetet sociale se kryeministri po e promovon Gonxhen si modelin e babëzisë edhe korrupsionit që duhet të arrijnë edhe rilindasit e tjerë.

?Gjenerali i ushtrisë së Rilindjes mori në mbrojtje ushtarin e tij të kapur në shkelje të rënda ligjore, në abuzim me detyrën dhe konflikt interesi. Rama sot i bëri reklamën Gonxhes për të treguar që nuk ka ndërmend ta shkarkoj por e promovon si modelin e babëzisë edhe korrupsionit që duhet të arrijnë edhe rilindasit e tjerë, të cilët mund të jenë më poshtë në këto ?arritje?.

Është aq shembullore drejtoria e Blendi Gonxhes së Ramës, sa që drejtori merr vetë 3 kategori lejesh drejtimi shtesë në 1 muaj pa kurs, tek vartësit e tij, duke shpërdoruar detyrën. Aq shembullore sa që drejtori merr para nga buxheti për kompaninë e tij të transporteve, edhe është autoriteti që jep gjithë shërbimet, lejet, targat, licensat që i duhen kompanisë së tij.

Në vend që Rama ta mbronte sot, pse nuk e thërret Gonxhen në zyrë e ta pyes çfarë do Loku tek zyra e Gonxhes përditë? Ushtari Gonxhe mesa duket i ka dhënë pjesën e tij përherë gjeneralit Rama nga paratë që i zhvat nga taksat e qytetarëve edhe nga rryshfetet. Kur faktet flasin qartë për shkeljet e Gonxhes, Rama zgjedh të shikoj gishtin-godinat?, shkruan ajo./ CNA.al

Ina Zhupa publikon dokumentet/ Bledi Gonxhe masazh këmbëve të Ramës, përfitoi miliona lekë nga qeveria

Babëzia e Blendi Gonxhes nuk njeh kufij/ Si përfitoi 220 milionë lekë nga qeveria për kompaninë e tij private  





Lajmet e fundit nga