web counter
LEXO PA REKLAMA!

SHKARKO APP

App Store
Google Play

Loja me listat e hapura/ Çollaku: Me këtë sistem të gjithë do vajtojnë në fund

27 Korrik 2020, 16:42, Politikë CNA

Anëtari i Kryesisë së Partisë Demokratike, Kreshnik Çollaku, ka zbuluar sot lojën me listat e hapura dhe mashtrimin që i bëhet shqiptarëve.

Në një postim në rrjetet sociale, Çollaku deklaron se mediat janë të kapura dhe në shërbim të pushtetit.

Demokrati thotë se mazhoranca po mashtron qytetarët për listat e hapura 100%, pasi pretendon se ata që i kërkojnë nuk e dinë se çfarë do të thotë të ketë lista të hapura.

Sipas Çollakut, sistemi që lidh drejtpërdrejtë mandatin e deputetit me vullnetin e votën e qytetarit është Maxhoritari 100%.

?Media të kapura dhe në shërbim pushtetit, politikanë naivë apo aventurierë, analistë të mercenarizuar nga grupe pushteti apo lobingje oligarkësh së fundmi një kryeministër i trembur nga humbja e pashpresë…, për muaj të tërë janë përpjekur të artikulojnë tezën populiste e po aq mashtruese se ?Listat e Hapura? (për të cilat 90% e atyre që artikulojnë e dinë vetëm si sllogan e 10% tjetër e përdor si fijen e kashtës para mbytjes?), do të kthejnë fuqinë e votës te qytetari.

Një mashtrim tipik për ato që përtojnë ta mendojnë gjatë. Sistemi që lidh drejtpërdrejtë mandatin e deputetit me vullnetin e votën e qytetarit është Maxhoritari 100%. (Një zonë çdo kandidat përballë njëri-tjetrit) Por për këtë flitet pak ose aspak. Madje ne kor e të koordinuar e mallkojnë, siç mallkohet çdo gjë që ke frikë se të nxjerr bojën.

Për maxhoritarin e mallkuar nuk do të dëgjoni propogandë nëpër ekranet e kapura dhe paguar kripur, pasi maxhoritari është sistem që vret parazitizmin, sejmenizmin dhe mercenarizmin politik, lëndën e parë të oligarkisë dhe pushtetit të degraduar. Dhe në fund tragjikomikja e kësaj situate do të jetë se ata që e thërrasin më fort slloganin se ?listat e hapura do të na sjellin begatinë?…, do të ndëshkohen me hidhur, në fund kur kjo lojë, si çdo lojë do të mbarojë?, shkruan ai./ CNA.al





Lajmet e fundit nga