web counter
LEXO PA REKLAMA!

SHKARKO APP

App Store
Google Play

E fundit!

x

Tërheqja e PS-së nga shkarkimi i Metës/ Lubonja: Rama e la për ta ngrënë në një kohë tjetër

27 Korrik 2020, 15:46, Politikë CNA

Analisti Fatos Lubonja ka qenë i ftuar pasditen e sotme në “News 24”  ku ka komentuar tërheqjen e PS-së nga shkarkimi i Metës. Sipas Lubonjës kjo tërheqje ka të bëjë me presionin e ndërkombëtarëve ndaj Ramës si dhe çekuilibrat e shumta kohët e fundit që ka shkaktuar vetë kryeministri.

Lubonja shtoi sen Rama e ka lënë të godasë Metën pak nga pak ose në një kohë tjetër.

“Padyshim është lëvizje politike siç është shkarkimi. Mendon të hajë pak nga pak, jo gjithçka menjëherë. E ka lënë Metën për ta ngrënë në një kohë tjetër. E ke parasysh Poseidoni, i kishte në shpellë Uliksin me shokë, dhe i tha që ty do të të ha të fundit. Pra kjo është logjika e diktatorëve. Por mbetet problemi jonë i ndërkombëtarëve ende kur ne nuk zgjidhim dot problemet. Pra, kur thashë që do të hajë pak nga pak, kisha parasysh edhe ndryshimet kushtetuese. Pra janë prishur disa ekuilibra.

Tani varet se kush është ai që mat në peshë ekuilibrat. Nëse marrim ndërkombëtarët, opozitën, njerëz, Rama, për Ramën ekuilibër është kur nuk ka fare palë tjetër, pra është në ajër.

Këtë në fund fare e bën ligji, ligji mban në ekuilibër. Në kushtet kur ne s?kemi Gjykatë Kushtetuese, dhe ti bën ndryshime kjo është prishje ekuilibri. Bën ndryshime kushtetuese që duhet të jenë sa më konsensuale, duhet të jetë pala tjetër, pala tjetër është jashtë. edhe kjo prishje ekuilibri. Po ta matim me kokën e Ramës ekuilibrin atëhere për të duhet të jenë të tjerët në ajër, ai në tokë?. /CNA.al

 





Lajmet e fundit nga