E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Koncesioni 128 milionë euro dhe kompanitë në Hollandë/ Veliaj shqetësohet pas investigimit të CNA.al

16 Qershor 2020, 10:55, Politikë CNA

CNA.al prej kohësh ka publikuar një investigim dhe një dosje të plotë në lidhje me koncesionin e inceneratorëve në Shqipëri.

Pas publikimit të aferave me inceneratorin e Elbasanit, 22 milion euro, dhe 28 milion eurot e inceneratorit të Fierit, të cilat mund t?i lexoni këtu, më pas CNA.al, publikoi edhe skandalin me 128 milion eurot e inceneratorit të Tiranës, (Lexo këtu)

CNA.al nëpërmjet dokumenteve zyrtare tregoi se kompania koncesionare, Integreted Energy ishte një kompani, ku pas saj fshihej Klodian Zoto dhe ajo ishte regjistruar në adresën Delflandlaan 1 Queens Tower në Amsterdam si pjesë e një grupi kompanish ku humbeshin gjurmët.

Por, këto ishin dhjetëra kompani me të njëjtën adresë dhe ishin pjesë e kompanisë mëmë, Residence Corporate Services BV, ku brenda saj përfshihej edhe kompania Almares Menagment, e cila ishte bashkëdrejtore e kompanisë Intgreted Energy BV.

Ne me dokumenta treguam se lidhja është e qartë. Në një zyrë në Hollandë, Klodian Zoto ka shkuar dhe që atje nuk ka ardhur më si shqiptar, por ka ardhur me një kompani hollandeze për të firmosur një kontratë 128 milion euro.

Në vitin 2016 themeloi kompaninë Integreted Energy BV dhe më pas mori koncesionin 128 milion euro.

CNA.al, po ashtu tregoi me dokumente se pas shërbimeve që ka marrë Klodian Zoto dhe kompanive që lidhen me të fshihen edhe shtetas rusë.(Lexo këtu)

Por, mesa duket publikimi i fakteve dhe dokumenteve ka shqetësuar kryetarin e Bashkisë së Tiranës, Erion Veliaj.

Pasi CNA.al zbuloi dosjen në Hollandë, Erion Veliaj, duket se është shqetësuar, dhe i është drejtuar me një padi Gjykatës së Tiranës. Në fakt në kërkesën e tij drejtuar gjykatës, vetë Veliaj, ose juristët e tij, e pranojnë që ato që kemi shkruar janë fakte, por mesa duket faktet e shqetësojnë kryebashkiakun e Tiranës.

Ndoshta, Veliaj është shqetësuar edhe për dosjen e Ben Blushit, por në vend që të merret me ne do të ishte më mirë të përdorte taksat në shërbim të qytetarëve dhe jo ti bëntë rrush e kumbulla për inceneratorë, që kanë ortakë Ben Blushin dhe përdoren për të blerë media për t?i bërë propagandë kryetarit të Bashkisë së Tiranës./ CNA.al