LEXO PA REKLAMA!

SHKARKO APP

Reforma Zgjedhore/ Gjiknuri: Shpresojmë ta mbyllim përfundimisht nesër

15 Qershor 2020, 18:05, Politikë CNA

Pas rreth dy orësh në takim, ka përfunduar tryeza e Këshillit Politik për Reformën Zgjedhore.

Bashkëkryetari i Komisonit të Reformës Zgjedhore Damian Gjiknuri, deklaroi se kanë gjetur dakordësi me opozitën për disa çështje, por theksoi se ka ende disa çështje të tjera që duhen diskutuar.

Në një prononcim për mediat, Gjiknuri tha se ka propozuar që nesër të mbyllet përfundimisht ligji zgjedhor, ndonëse tregoi se opozita joparlamentare ka kërkuar më shumë kohë.

“Kemi pranuar raportin 1 me 3 të financimi publik dhe privat, nesër do të vazhdojmë mbledhjen tjetër. Ka ende disa pika për t’u diskutuar si çështja e KQZ dhe disa elementë që kanë të bëjnë më fushatë zgjedhore që PD do më shumë kohë. Shpresoj që nesër ta mbyllim ligjin zgjedhor përfundimisht. Ka ende disa pika për t’u diskutuar dhe kërkojnë më shumë kohë për t’u konsultuar me ekspertët e tyre”, nënvizoi bashkëkryetari i komisonit të Reformës Zgjedhore./ CNA.al

Lajmet e fundit nga