web counter
LEXO PA REKLAMA!

SHKARKO APP

App Store
Google Play

E fundit!

x

A e ka shitur qeveria ishullin e Sazanit?/ Klosi: Janë kaluar kufijtë e imagjinatës

15 Qershor 2020, 21:32, Politikë CNA

Tre ditë më parë, ish-deputeti i Partisë Demokratike Gerti Bogdani, ngriti dyshime të forta se qeveria mund të ketë hapur tender sekret për dhënien me koncesion të ishullit të Sazanit ose mund ta ketë shitur gjatë kohës së pandemisë.

Për këtë ka folur mbrëmjen e sotme Ministri i Turizmit Blendi Klosi, i cili pretendon se nuk ka asnjë projekt të tillë. Sipas tij, këto akuza i kalojnë kufijtë e imagjinatës.

?Tani për këtë duhet të pyesni deputetët e PD-së. Të gjitha çfarë thonë ish-deputetët nuk mund t’i gjej. Sa mbaj mend, gjithmonë flitet se si duhet të zhvillohet zhvillohet Sazani. Në bazë të informacionit që unë kam si ministër turizmi, nuk kam dëgjuar asnjë projekt ekzistent dhe për më tepër atë që thonë se po shitet e kalon çdo imagjinatë. Nuk është një projekt i thjeshtë investimi në Sazan dhe Karaburun. Është një terren i vështirë dhe do shumë investim nga pikëpamja e furnizimit me ujë, energji.

Ka rryma shumë të forta zyrtare. Nuk di të ketë gjë tjetër veç ideve se aty mund të bëhet turizëm. Ajo që duam të bëjmë me operatorët turistik është ta hapim atë për varkat dhe anijet që nisen nga Vlora për të bërë turizmin ditor. Është një ndjesi e paimagjinueshme që kemi në Shqipëri. Është një debat i madh ligji i turizmit detar dhe heqja e TVSh-së së jahteve. Kemi nevojë për investim të madh në turizëm. Duhet të promovohet shumë turizmi malor. Dhe e dyta është turizmi detar?, deklaroi Klosi në Rtv Ora./ CNA.al





Lajmet e fundit nga