Nikoll Lesi sulm Bashës/ Zgjedhjet në 2021, do jesh ushtar ndryshe nuk bëhesh KM

3 Maj 2020, 09:56, Politikë CNA

Nikoll Lesi në një publikim të tij në Koha e Ilir Metës, ka treguar se opozita dështoi me zgjedhjet e parakohëshme dhe ato do mbahen në vitin 2021, pikërisht në datën e rradhës sipas kushtetutës.

Lesi pranon dështimin e Republikës së Re të Lulzim Bashës dhe LSI-së së Monës dhe thekson dorëzimin e Lulit pa kushte tek LSI. Ai thekson se opozita do formojë qeverinë e re pas një viti dhe kryeministri nuk do jetë njeriu kryesor i ekzekutivit, por pushteti do ndahet me kë ka qejf të jetë në pushtet. Ndoshta Nikolla këtu përfshin edhe kunatin e zonjën e Lulit që në fakt janë më ?kryeministra? se vëtë Basha.

?Do të hyjmë në një epokë të re bashkëpunimi të Ekzekutivit, ku vendoset bashkërisht e jo një person, qoftë ky edhe kryeministri?, pra do pyeten me rradhë të gjithë Nikolla, Çim Peka, Tit Vasilin, Desada, Elona, Gazi, cuni Fahriut, Salianji e CO.

Vërtet është epokë e re kjo e NIkollës dhe e Lulzim Bashës:

Koronavirusi dhe njëfarë hezitimi i opozitës vjeshtën e kaluar, e mbajtën në këmbë këtë qeveri.

Tashmë, prill-maj 2021 do sjellë qeveri të re, krejt ndryshe nga kjo që kemi sot, ku Edi Rama është vetë zot e vetë shkop. Njerëzit duan ndryshim radikal qeverisjeje, aq me tepër që edhe buxheti shtetit është rrënuar nga vjedhjet dhe shpërdorimet me PPP, koncensione etj. Qytetarët nuk pranojnë më dhunë shtetërore ndaj të drejtave të tyre, ndonëse për momentin kanë pranuar prej koronavirusit, por Corona nuk do jetë ?mbret? gjithë kohën.

Njerëzit duan ndryshim, duan bashkëpunim dhe ndarje korrekte të përgjegjësive të pushtetit e jo siç është sot ku Edi Rama drejton e kontrollon gjithçka.

Sado të luajë Rilindja për krijimin e partizave të vogla, djathtas apo gjoja ?independente? brenda sprektrit politik me qorrxhinj apo shabanlinj, prapë humbja e pushtetit është krejt e sigurtë. PS-ja ka rënie totale të votave prej atyre që shpirti i zemërimit popullor e shpreh nga varfëria dhe dhunimi e poshtërimi prej vitit 2017.

PD dhe LSI njohin vetëm rritje. Kjo e fundit, LSI, do jetë përcaktuese e qeverisë së re.

Por pushtet të një partie nuk do të ketë më, pas prill-maj 2021.

Do të hyjmë në një epokë të re bashkëpunimi të Ekzekutivit, ku vendoset bashkërisht e jo një person, qoftë ky edhe kryeministri.