web counter
LEXO PA REKLAMA!

SHKARKO APP

App Store
Google Play

Marrëveshja me Greqinë shumë pozitive"/ Ngjela: Problem mbetet infektimi

2 Maj 2020, 20:05, Politikë CNA

Greqia dhe Shqipëria arritën sot një marrëveshje për punësimin sezonal me procedura të përshpejtuara të shtetasve shqiptarë, të cilët do të punësohen me të drejta të plota.

Këtë marrëveshje avokati Spartak Ngjela, e cilëson si një zhvillim shumë pozitiv dhe një ndihmë të madhe për ekonominë.

“Deri në 50 mijë shqiptarë kanë shkuar në Greqi gjatë sezonit të vjeljes së frutave dhe ka qenë në të mirë të ekonomisë shqiptare. Ky është mendimi ligjor grek, nuk e dimë çfarë mendimi ka kryeministri shqiptar dhe qeveria shqiptare. Ne i kemi të mbyllura rrugët me Greqinë, edhe Greqia me ne, por i ka hapur përmes parlamentit. Më tej çfarë do të ndodhë, këta 10 mijë do të ikin dhe  nëse ikin kur të kthehen do të vinë në karantinë? 10 mijë punëtorë atje janë rreth 200 milion dollarë. Problemi është nëse ky tani do të thyejë karantinën për tregun? Mendoj se po”, u shpreh ai në një lidhje me Rtv Ora, ndërsa theksoi se problem mbetet gjendja shëndetësore dhe rreziku për tu infektuar.

“Problemi është po individët a rrezikohen në Greqi, është gjendje më e rëndë atje. Nuk e dimë se në çfarë zonash do të shkojnë këta. Infektimi i tyre risjell epideminë në Shqipëri. Mirë shkuan, po kthimi? Për tu kthyer i dinë shtigjet, nuk kanë nevojë fare të vinë nga kufiri. Nuk është gjendja aq e sigurt sa mund të mendohet. Por që ekonomia fiton një sasi të madhe dollarësh apo eurosh nuk diskutohet. Janë 10 mijë të punësuar dhe marrin 1000-1500 euro në muaj. Duhet ta shohim hap pas hapi si do ta argumentojë Kryeministri shqiptar këtë aferë”, nënvizoi avokati./ CNA.al





Lajmet e fundit nga