web counter
LEXO PA REKLAMA!

SHKARKO APP

App Store
Google Play

Video-Çfarë ka thënë Basha për LSI dhe PDIU/ Nesër do të qeverisë me “shushunja”  

2 Maj 2020, 09:13, Politikë CNA

Në videon e mëposhtme, kryetari i Republikës së re, Lulzim Basha, me zë dhe figurë na jep mendimin e tij për LSI-në dhe PDIU-në, për partitë ish-aleate të Edi Ramës. Më parë aleate të PD-së, më parë të dy kryetarët e këtyre partive drejtues të lartë të Partisë Socialiste në institucione. Ilir Meta, ish-kryeministër, Shpëtim Idrizi, ish-drejtor Doganash dhe tatimesh, në kohën e Fatos Nanos.

Qeverisën me Sali Berishën, qeverisën me Edi Ramën dhe ky i fundit në 2017, i nxori nga ?tepsia? dhe i la me lugë në dorë.

Në atë kohë, Edi Rama u ?dashurua? me Lulzim Bashën, dhe Luli i tregoi të gjitha për aleatët që kishte pasur. Në videon e mëposhtme, dëgjojeni sesi i quan shushunja. Ilir Metën, Shpëtim Idrizin, ata që sot i ka aleatë.

Ilir Meta, që sot është president dhe nga Luli shikohet me shpresë. Por, ish-kreu i LSI-së është një lojat i vjetër në politikë, është një ?ujk? që nuk të fal. Dhe Luli shpesh ndihet i tradhëtuar nga Ilir Meta, sepse kujton se do ta përdorë për interesin e tij. Por, në fakt Ilir Meta luan për veten e tij.

Shpëtim Idrizi nga ana e tij është më i tërhequr. Shkon te koalicioni opozitar, thuajse totalisht i detyruar, por në distancë kur shfaqet atje Vangjel Dule.

Por, edhe Idrizi luan për interesin e tij, duke u kapur pas një çështje patriotike, të cilën e luan fort me palët sa herë ato kanë interes për vota.

Morali, është zero. Ndoshta edhe me bisht. Sepse Luli këto fjalë i ka thënë kur këta ishin thuajse të ikur në opozitë me Edi Ramën. Dhe sot i ka ?në gjirin e tij? LSI-në me Monën, edhe presidentin që e ?do aq shumë?, edhe Shpëtim Idrizin e PDIU-së.

Tani lind pyetja, Lulzim Basha me ?shushunjat? do të vijë në pushtet? Do të qeverisë me ?shushunja??

Apo Republika e re nuk e ka problem që sot të të shajë, e nesër të të lëvdojë. Mjafton ti japësh pushtet dhe është vetë shushunja më e madhe./ CNA.al





Lajmet e fundit nga