E fundit!

21:27 Kronika

Të shtënat në Kamëz/ Zbardhen detaje të reja, kapet autori

Zbardhen detaje të reja nga ngjarja e shënuar këtë mbrëmje...

“Kanë pagat më të ulëta në rajon”/ Meta “qan” për punëtorët duke shijuar mrekullitë e natyrës

1 Maj 2020, 09:38, Politikë CNA

Mëngjesi i sotëm e ka gjetur presidentin Ilir Meta, duke shijuar bukurirtë natyrore të vendit tonë. Edhe pse qytetarët e thjeshtë të këtij vendi, duhet të marrin leje në portalin e qeverisë edhe për të blerë bukën, për politikanët nuk vlejnë rregullat.

Vetë kreu i shtetit ka publikuar sot një video në rrjetet sociale, ku shkruan ?Mirëmëngjes nga Sheleguri, ky vend i mrekullueshëm midis Leskovikut dhe Ersekës!
Ju uroj të gjithëve një fundjavë të mbarë!?.

Por, vetëm gjysëm ore më pas Ilir Meta është kujtuar se sot është 1 Maji, Dita e Punëtorëve.

Në një tjetër postim të bërë në rrjetet sociale, Meta qan për punëtorët e keqpaguar dhe varfërinë ekstreme të shqiptarëve.

Edhe pse për 30 vite në politikë, ku ka mbajtur poste si ministër, zv.kryeministër, kryetar Kuvendi e deri së fundi president, Meta ?qan? për punëtorët, pa e drejtuar aspak gishtin nga vetja.

?Edhe 1 Maji i këtij viti, Dita Ndërkombëtare e Punëtorëve, e gjen Shqipërinë me nivelin më të ulët të pagës në rajon dhe në Europë sipas institucioneve financiare ndërkombëtare.

Gjendja e rëndë ekonomike e përkeqësuar me situatat e vështira që po kalojmë nuk jep shpresë se diçka do ndryshojë për mirë në një të ardhme të afërt.

Të punësuarit në sektorin privat ende vijojnë të shprehin pakënaqësi të mëdha për mungesën e një kontrate të rregullt pune, mosrespektim të kushteve të punës dhe të drejtave të tyre, për paga të ulta dhe për mospagim të kontributeve shoqërore.

Vërehet një humbje e thellë e besimit për konkurrim të ndershëm dhe punësim mbi bazë të meritokracisë edhe në Administratën Publike dhe institucionet publike.

Shqetësues në kushtet aktuale të varfërisë, të përkeqësimit të shërbimeve sociale, dhe të tensioneve politike, mbetet gjithashtu edhe largimi masiv jashtë vendit i shumë punëtorëve, veçanërisht atyre të kualifikuar.

Pandemia COVID-19 dhe efektet e saj afatgjata në ekonominë e vendit, pritet t?i përkeqësojnë më tej këto fenomene negative.

Në gjendjen aktuale, të tregojmë vëmendje të veçantë dhe të shtuar që punëtorët në sektorët më të prekur, jo vetëm t?i dëgjojnë, por edhe të përfitojnë realisht nga paketat ekonomike të premtuara.

Kërkohet një bashkëpunim më i mirë në këtë situatë për të mbështetur sipërmarrësit dhe biznesin e vogël, nëpërmjet një strategjie konkrete e të prekshme, për rihapjen e ekonomisë në mënyrë të pakthyeshme.

Situata kërkon reflektim urgjent dhe masa konkrete që 1 maji të mos shënohet më si një ditë e zakonshme pushimi, por si një ditë feste për arritjet e punëtorëve.

Një falenderim në këtë ditë për mjekët dhe infermierët e të gjithë ata që janë në vijën e parë kundë r COVID-19, në mbrojtjen e shëndetit të çdo qytetari.?-shkruan Meta.