web counter
LEXO PA REKLAMA!

SHKARKO APP

App Store
Google Play

“Kur do t’i marrin paratë shqiptarët?/ Armir Shkurti rrëfen “shpërthimin” e Fatos Nanos

1 Maj 2020, 07:14, Politikë CNA

Gazetari Armir Shkurti, në 60-vjetorin e TVSH-së, ka risjellë në vëmendje një rast të një bisede në studio me ish-kryeministrin Fatos Nano.

Në një postim në rrjetet sociale, gazeari Shkurti kujton se në vitin 1997 kishte të ftuar në studion e TVSH-së, Fatos Nanon të cilin e kishte pyetur se kur do t?iu ktheheshin paratë që kishin humbur në fajde shqiptarët.

Por, Shkurti tregon se përgjiga e kryeministrit të asaj kohe ishte ?kurrë?.

?Meqë jemi në 60 vjetorin e TVSH.
Në vitin 1992 fitova një konkurs pranimi dhe nisa punën si gazetar në departamentin e informacionit.
Në vitin 1997, pa e pritur dhe pa e kërkuar, më propozojnë të bëhem drejtor i informacionit. Ishte shtator ’97. U mendova pak dhe pranova.

Në dhjetor kisha ftuar në emision 5 ministra dhe kryeministrin Fatos Nano për 100 ditët e qeverisë. Në fund i them Nanos:
– Zoti kryeministër! Në fushatë keni premtuar se do të mblidhni dhe do tu ktheni shqiptarëve 100% të parave që humbën në fajde. Kur do ta bëni?
– Shqiptarëtëëë…janë popull qëëëë….me vitalitetëëë…do të punojëëëë…- po spërdridhej kryeministri
– Jo më falni! Si datë, kur?
– Kurrë! – shpërtheu Nano
– Kjo qe përgjigjja e kryeministrit për premtimin se do të merrni paratë e fajdeve. Do ti merrni ..KURRË! Natën e mirë!….
Të nesërmen, shumë i kënaqur, nga drejtor u riktheva gazetar terreni!

Respekt e nderim për gjithë kolegët e ndershëm dhe të aftë që kanë kontribuar për të vërtetën!?-shkruan Armir Shkurti./ CNA.al





Lajmet e fundit nga