web counter
LEXO PA REKLAMA!

SHKARKO APP

App Store
Google Play

"Jam më socialist se Bushati"/ Balla: Ngre balona që i shkojnë për shtat Gridave të PD

30 Prill 2020, 19:49, Politikë CNA

Kreu i Grupit Parlamentar i Partisë Socialiste ka reaguar lidhur me deklaratat e ish-ministrit të Jashtëm Ditmir Bushatit për  kontratën me PPP-të e Porto Romanos.

Balla deklaroi se ajo që tha ish-ministri nuk qëndron, ndërsa pretendon se është më socialist se Bushati.

“Gjithcka që tha kolegu im i vjetër Bushati nuk qëndron. Nuk qëndrojnë këto argumentet e oligarkët, sepse për mua rëndësi mbi të gjitha kanë njerëzit e thjeshtë të vendit tim. Unë besoj se zoti Bushati nuk ka informacionin e duhur. Pretendoj se jam më socialist se zoti Bushati. Nuk do e votoja nëse kjo marrëveshje koncesionare sjell një monopol”, u shpreh ai në emisionin “Real Story”

Numri 2 i PS-së tha se është habitur nga Bushati, pasi theksoi se ka pritur të flasë për një tjetër çështje.

Sipas tij, Bushati ka jenë i informuar keq ose i painformuar për koncesionin e Portit të Durrësit, ndërsa e akuzoi se i dha më shumë shtysë opozitës për tu “rebeluar”.

“Më vjen keq që padituria ose informacioni i pasaktë i ngre balona që i shkojnë për shtat Gridave të PD. Unë prandaj ngrita zonjën Konomi për ta sqaruar. Besoj që kjo të ketë qenë vetëm çështje mungese informacioni”, tha numri 2 i socialistëve./ CNA.al





Lajmet e fundit nga