web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për universitetet/ Kejdi Mehmetaj: I drejtë por i vonuar

30 Prill 2020, 12:59, Politikë CNA

Ish deputetja e LSI-së, Kejdi Mehmetaj e ka cilësuar vendimin e ministres së arsimit për hapjen e universitetit në qershor për studentët që do të diplomohen si të drejtë por të vonuar.

“Gjykoj që një pjesë e vendimeve që u morën sot ishin të drejta, por edhe shumë të vonuara. Prej disa kohësh opozita ka kërkuar që Ministria e Arsimit të bashkëpunojë më ngushtësisht me universitetet për të marrë disa vendime dhe për t’ia bërë ato transparente studentëve. Kjo është një situatë që është parashikuar.

Nuk është surprizë fakti që periudha e izolimit do të zgjaste në kohë dhe që të fundit që do të hapeshin do të ishin gjimnazet dhe universitetet duke qenë se është grupmosha ku nuk ndihet sëmundja dhe që mund të ketë transmetueshmërinë më të madhe.

Kjo vonesë, sidomos sa i takon pjesës së universiteteve i ka kushtuar shumë familjeve shqiptare, sidomos nga pikëpamja ekonomike. Studentët janë detyruar gjatë kësaj periudhe kohore të vazhdojnë të paguajnë shtëpitë që kanë marrë me qira. Ka patur universitete ku 30%-40% e studentëve nuk kanë patur akses në mësimin online dhe diçka do të duhej të ishte parashikuar ndryshe edhe për ta”, tha Kejdi Mehmetaj në një intervistë për Euronës Albania./CNA.al





Lajmet e fundit nga