E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Dvorani ka një çështje të madhe në kurriz”/ Manjani nxjerr detajet e forta

30 Prill 2020, 12:16, Politikë CNA

Ish ministri i Drejtësisë Ylli Manjani ka komentuar çështjen e nxehtë mes presidentit Ilir Meta dhe kreut të Këshillit të Emërimeve në Drejtësi, Ardian Dvorani.

Manjani shkruan se Dvorani ka vetëm një çështje të madhe në kurriz, dhe problemi nuk është ai, por detyra e tij pa mandat qe sipas Kushtetutës, i ka mbaruar që në vitin 2014.

Është detyra pa mandat problemi, jo Dvorani.
=============
E kam deklaruar që herët(shumë kohë para se Presidenti të hapte betejë ligjore me Të) dhe në mënyrë të përsëritur se zoti Ardian Dvorani ka vetëm një çështje në kurriz! Një, po të madhe shumë.

Ai padrejtësisht është mbajtës i një detyre publike me afat të përcaktuar në Kushtetutë.

Ka plot 6 vite që e mban atë detyrë si pa gjë të keq. Në 2014 i mbaroi mandati sipas Kushtetutës. Jemi në gjysmën e 2020-ës dhe ky zyrtar gjendet ende në detyrë jashtë çdo afati. Për 3 vite Atij i bëhet plot një mandat shtesë, pa një akt emërimi.(Mandati i gjyqtarit të Gjykatës së Lartë është 9 vjet).

Ky është kulmi i cinizmit dhe i karshillëkut ndaj Kushtetutës, sundimit të ligjit dhe vetë Reformës në Drejtësi!

Këtë fakt e ka konstatuar ish Gjykata Kushtetuese me një vendim të posaçëm. Të gjithë gjyqtarët që u mbaroi mandati ikën, dorëzuan detyrën dhe janë sot qytetarë të lirë. Zoti Dvorani nuk e dorëzoi, por si rezultar i një vonese të qëllimtë në shpalljen e atij vendimi në Fletoren Zyrtare, ndenji në detyrë tej çdo limiti Kushtetues e llogjik.

Këtë shkelje nuk e pa as Vettingu, por u mjaftua me një “shkulje veshi” për disa pasaktësi në deklarimin e pasurisë.(të paktën kësjtu u deklarua publikisht). As komisionerët publikë e as ONM nuk e pikasën këtë hata Kushtetuese që kishte konsumuar ky zyrtar!!!

Në të vërtetë pinionit publik nuk i duhet shumë e shkuara apo pasuria familjare e Dvoranit, as veprimtaria e tij në krye të KED(këtu Dvoranë është vetëm një votë). Fakti i MBAJTJES SE DETYRËS PUBLIKE PA MANDAT mbetet më i rëndi,më kompromentuesi, jo shumë për Dvoranin si person por për drejtësinë dhe reformën.

Kritika merret për fat të keq me personin, me të shkuarën, me familjen, me pasurinë, me rolin e tij si ekspert dhe, pak ose aspak trajtoi këtë problem kryesor, pra mbajtjen e detyrës pa mandat.

Sa më takon, kam shprehur dhe shpreh respekt për juristin Ardian Dvorani, kontributin e tij në gjykatë dhe në ekspertizë ligjore. Por mbajtja e detyrës pa mandat është e pajustifikueshme,e papranueshme dhe e pa ligjshme.

Dhe përgjegjësia është moralisht mbi Të, por ligjërisht mbi ato që e lejuan dhe e lejojnë ende aty ku është!

Unë kështu e shoh këtë çështje, pra tek mos veprimi i institucioneve, më së shumti tek KLGJ, jo tek personi. Me këtë të fundit nëse ka vend mund të merret drejtësia, por jo opinioni aq më pak drejtësia popullore.