web counter
LEXO PA REKLAMA!

SHKARKO APP

App Store
Google Play

Arben Malaj: Paketat ekonomike duhet të jenë më të prekshme dhe me shifra më serioze

30 Prill 2020, 20:35, Politikë CNA

Ish-ministri i Financave Arben Malaj, deklaroi se kostot për të menazhuar ekonominë do të vlerësohen në bazë të kohëzgjatjes së pandemisë në vendin tonë.

Malaj tha se faza më e vështirë është ajo e kapjes së niveleve të para të krizës ekonomike që do të sjellë koronavirusi.

Ai theksoi se për të rimëkëmbur si fillim ekonominë e shqiptarëve qeveria ka aplikuar dy paketa, që sipas tij duhet të bëhen më të prekshme dhe shifrat duhet të jenë më serioze.

“Ajo që do të theksoja që në fillim është fakti që gjithmonë ne këshillohemi që në qoftë se paqartësitë rriten dhe pasiguritë shtohet, qeverisja e vendit bëhet më e vështirë. Në këtë aspekt edhe për shkak të mënyrës se si u shfaq kjo pandemi, edhe për debatet që ka mes ekspertëve për shkak të fillimeve të ndryshme në vende të ndryshnme, nuk kishte një veprim të sinkronizuar global, dhe ky mos sinkronizim i rriti paqartësitë, pasiguritë dhe kostot për të menaxhuar krizën. Nga çdo krizë vendet dalin gjithmonë më të varfëra. Janë 3 kolona kryesore ku pasojat e krizës manifestohen. E para janë të papunët, të paaftët dhe të varfërit. Qeveria shqiptare ka aplikuar dy paketa. Akoma nuk ka arritur në pjesën që të bëhen të prekshme dhe shifrat duhet të bëhen serioze”, nënvizoi ish-ministri në emisionin “360 gradë”./ CNA.al





Lajmet e fundit nga