web counter
LEXO PA REKLAMA!

SHKARKO APP

App Store
Google Play

“S’ka komunikuar fare me ne”/ Kryetarja e KIZ sulmon Mynyr Konin për zgjedhjet për rektor

1 Maj 2020, 14:15, Politikë CNA

Kryetarja e Komisionit Institucional Zgjedhor, KIZ në Universitetin e Tiranës Majlinda Keta ka ashpërsuar tonet kundrejt rektorit të Universitetit të Tiranës Mynyr Koni në lidhje me zgjedhjet për rektor dhe për anëtarë të senatit.

Keta akuzon Konin teksa shprehet se nuk ka komunikuar fare me komisionin dhe sipas saj vazhdon të bëjë luftë me akuza.
?Universiteti nuk drejtohet me bajraktarizëm. Ne jemi këtu për t?ju shërbyer studentëve?,
Dita e djeshme ka qenë dita përfundimtare. Ne kemi marrë të gjitha masat për të realizuar zgjedhjet, në mënyrë të qartë dhe të drejtë. Ne kemi riskuar deri ditën e fundit. Këto zgjedhje ishin detyrim ndaj Universitetit të Tiranës. Kemi marrë përgjegjësi në emër të Universitetit të Tiranës.
Rektori erdhi me një zhurmë të madhe dhe po iken jo në një mënyrë normale. MASR po kryen të gjitha procedurat, ndërsa iu jemi përmbajtur ligjeve e normave. Punët tona shikohen nga njerëz intelektualë, që kanë jetë publike, që kanë personalitetin e tyre. Di që edhe kolegët tanë në rrethe kanë shkuar shumë mirë.
Koni nuk ka komunikuar fare me ne dhe vazhdon të bëjë luftë me akuza, që në fund të fundit ndikojnë në prestigjin e UT. Këtu janë në lojë UT, por jemi para syve të një publiku që na jep taksa. Cdo denigrim i UT, cdo prekje e demokracisë së brendshme të universitetit, është dëmtim i Universitetit të Tiranës, duke dëmtuar inteligjencën e vendit. Universiteti nuk drejtohet me bajraktarizëm. Ne jemi këtu për t?ju shërbyer studentëve. Në përcaktimin e fituesit, ka votë edhe studenti?, tha Keta për news 24./CNA.al





Lajmet e fundit nga