web counter
LEXO PA REKLAMA!

SHKARKO APP

App Store
Google Play

E fundit!

x

Veliaj përfshihet sërish në skandal/ Shkel hapur ligjin dhe dëmton rëndë bizneset

2 Maj 2020, 13:05, Politikë CNA

Zëdhënësja e Partisë Demokratike, Ina Zhupa ka bërë një denoncim kundër kreut të Bashkisë së Tiranë, Erion Veliaj, për të cilin thotë se ka shkelur ligjin.

Në një postim në rrjetet sociale, Zhupa shkruan se ?Veliaj shkel ligjin, bën projekt korsi biçikletash në shkelje të Planit Urbanistik të Tiranës, duke dëmtuar rëndë bizneset dhe qytetaret e rrugës Myslym Shyri!?.

Sipas Ina Zhupës Bashkia Tiranë ka vendosur të ndërtojë korsi biçikletash me gjatësi 1000 metra në të gjithë rrugën Myslym Shyri duke hequr kështu të gjitha vendparkimet publike të automjeteve në anë të kësaj rruge, rreth 160 të tilla që ishin aty.

Por, ajo shton se kështu ai po dëmton edhe bizneset, pasi sipas Zhupës, ?këto vendparkime i kanë shërbyer prej shumë vitesh bizneseve të zonës dhe banorëve.?.

Më tej, ajo shkruan se ?Referuar nenit 52, pika 2 të Rregullores së Planit të Përgjithshëm Vendor të Bashkisë Tiranë është detyrimi i Bashkisë Tiranë të siguroj vendparkimet publike në hapesirat e caktuara për banorët e zonës dhe bizneset, konkretisht 1 banorë duhet të ketë të garantuar minimum hapësiren 6 m2 parking dhe një objekt biznesi duhet ti garantohet hapësira prej 12 m2.

Është e papranueshme, jo ligjore edhe shumë e demshme për bizneset e asaj rruge, heqja totale e mundësisë së ndalimit dhe parkimit të makinave. Rreth 250 biznese zhvillojnë aktivitetin e tyre tregtar në këtë rrugë dhe e kanë të domosdoshme të kenë vendparkimet e atutomjeteve pranë rrugës për të realizuar furnizimet per nevojat e dyqaneve të tyre dhe parkimin e klienteve për të bërë blerje ne keto dyqane.

Në këtë kohe krize ekonomike nga Covid 19, Veliaj i vetmi kryebashkiak qe gjen menyren si t’ja u veshtiresoj me shume punen dhe mundesite per biznes, qytetareve të tij.?





Lajmet e fundit nga