LEXO PA REKLAMA!

SHKARKO APP

Rikthimi i studentëve në auditore/ Mark Marku: Urdhri ka shkaktuar kaos, nuk na pyetën

2 Maj 2020, 20:37, Politikë CNA

Në qershor studentët do të rikthehen në auditore, por duket se ky vendim i ministrisë së arsimit është kundërshtuar nga pedagogët.

Është pikërisht pedagogu Mark Marku ai i cili thotë se urdhri i MAS është i gabuar dhe ka shkaktuar një kaos.

“Ka një kaos, është e ka shkaktuar urdhri i MAS. Ndërkohë që ne po vazhdonim dhe po mendonim për organizimin e formave të testimeve online në këtë moment nga Ministria doli urdhri që studentë e pedagogë nga 1 qershori do të kthehen në auditore. Ky vendim është i gabuar. Ne nuk e dimë çfarë parashikimi ka Ministria për 1 qershor, kur në vendimet e qeverisë thuhet se nga 18 maji do hapen lokalet por jashtë, do vazhdojë ndalimi i komunikimeve më tepër se 5 persona në ambiente të mbyllura”, u shpreh ai në një lidhje me Rtv Ora.

Marku thekson se e kanë të pamundur të bëjmë mësim me vetëm 5 persona dhe se distancimi social nuk është i mundur, për shkak të mungesës së infrastrukturës për të zbatuar masat.

Pedagogu kritikon qeverinë dhe ministrinë se nuk i kanë pyetur fare në lidhje me masat dhe vendimet që kanë marrë për mësimdhënien.

“Ne sugjeruam që mësimi të vazhdojë online nëse nuk ndryshon situata. Me një mundësi të fundit që provimet të jenë në qershor në mënyrë fizike. Nga ana tjetër edhe në shtator nuk jemi të sigurt që të situata nuk mund të ndryshojë, mund të rikthehet pandemia. Kemi thënë që duhet të përgatitemi për alternativa të provimeve online. Në asnjë vend europian nuk janë hapur Universitetet dhe nuk mendohet të hapen dhe dy-tre muajt e ardhshëm. Pavarësisht lëndëve dhe specifikave të fakulteteve dhe universiteteve disa provime duhet të shtyhen dhe të jepen në shtator. Ministria s’i ka marrë parasysh këto dhe ka marrë një vendim arbitrar. Ne do t’i kërkojmë Ministrisë dhe Kryeministrit që të garantojnë kushtet. Ne duhet të mendojmë vetë për studentët e papërfshirë në mësim online, dhe jo tu rrezikojmë jetën të tjerëve”, nënvizoi ai./ CNA.al

Lajmet e fundit nga