Skandali/ Koncesionari i 128 milion eurove fsheh ndryshimin e emrit

17 Prill 2020, 08:57, Denoncim CNA

Kompania koncesionare e 128 milion eurove, Integreted Energy BV SPV, e cila marrë me koncesion landfillin e Sharrës dhe inceneratorin e Tiranës ka aksionerë të vetëm Integreted Energy BV, një kompani e regjistruar në Hollandë, një zinxhir kompani guackash ku përpiqet të fshihen emrat.

Por, CNA.al ka zbuluar me dokumenta ekskluzive, të cilën mund ta lexoni këtu, e cila është ndërtuar fillimisht nga Klodian Zoto dhe shtetasi italian Ernesto Granelli.

Më pas, ne zbuluam me detaje se cili ishte aktiviteti i kompanisë, çfarë reklamon në faqen zyrtare të internetit, si përpiqet të zhdukë gjurmët dhe si është përfshirë në bashkëmenaxhim dhe bashkëadministrim një kompani e cila ka si bashkëdrejtuese një shtetase ruse.(Lexo këtu)

Pas një investigimi të një rrjeti të gjërë gazetarësh të një rrjeti investigativ edhe nga disa vende të Europës, Integreted Energy BV në një moment zhdukej dhe nuk shfaqej asgjëkundi.

Por ne mundëm të zbulojmë, edhe me ndihmën e kolegëve tanë, se Integreted Energy BV, pra kompania që ka 100% të aksioneve të kompanisë që ka koncesionin e inceneratorit të Tiranës, kishte ndryshuar emrin në Geogenix BV.(Lexo këtu)

Kjo kishte ndodhur pikërisht një ditë pasi CNA.al kishte denoncuar në lidhje me një tjetër kompani në Bullgari të pronarëve të inceneratorëve në Shqipëri, Klodian Zoto dhe Mirel Mërtiri, me Eva Blushin, bashkëshorten e drejtorit të Top Channel, Ben Blushi.

Dhe më pas ishte po kjo kompani bullgare, EM Capital Group, e cila kishte blerë në Shqipëri 51 të aksioneve të Valtelina Kafe, e cila mban emrin tregtar Lori Kafe dhe tashmë pronarët e inceneratorëve ishin bërë bashkëpronarë me aksioneren e Top Channel, Vjollca Hoxhën. (Lexo këtu)

Pas zbulimit të këtij dokumenti, në Hollandë është ndryshuar emri i kompanisë Integreted Energy BV, në Geogenix BV, të cilën mund ta lexoni këtu.

Sot më shumë se dy muaj nga ndryshimi i emrit në Hollandë kompania përfshihet në një tjetër skandal.

Një skandal i cili mund ti kushtojë edhe koncesionin.

I ndryshohet emri aksionerit të vetëm në Hollandë dhe nuk bëhet asnjë raportim zyrtar në institucionet përgjegjëse në Shqipëri. Brenda ditës e rregjistroi firmën dhe firmosi kontratën me Ministrinë e Mjedisit, ka 2 muaj ka ndryshuar emrin dhe askush sdi asgjë.

Le të shikojmë zinxhirin. Nga një ekstrakt i QKR-së i nxjerrë sot, aksioneri i vetëm i kompanisë Integreted Energy BV SPV rezulton të jetë pas dy muajsh ende kompania Integreted Energy BV, megjithëse tashmë kjo kompani nuk ekziston, por ka ndryshuar emrin. Kompania që është regjistruar në Hollandë është me emrin Geogenix BV, ajo ruan të nëjtin kod fiskal por ka ndryshuar emrin.

Që të ndryshosh emrin e një kompanie koncesionare minimalisht, sipas ligjeve të shtetit shqiptar, duhet të kërkosh aprovimin e ministrisë apo institucionit përkatës që të ka dhënë kontratën apo lejen koncesionare.

Ne pyetëm dje në Ministrinë e Mjedisit dhe na thanë se nuk ka asnjë kërkesë apo dokument të paraqitur nga kompania Integreted Energy BV apo Integreted Energy BV SPV për ndryshimin e emrit.

E njëjta përgjigje na u dha edhe nga Agjencia Kombëtare e Ujësjellës Kanalizimeve, ku tha se asnjë dokument zyrtar nuk ishte çuar në këto institucione deri ditën e djeshme nga aksioneri 100% dhe mbajtësi i vetëm i aksioneve të kompanisë që ka fituar koncesionin e landfillit dhe inceneratorit të Tiranës.

Pra, jo vetëm që ndryshohet emri, por asnjë institucion nuk përfillet, në asnjë institucion nuk raportohet. Të plotfuqishmit e këtij koncesioni nuk duan tia dinë për askënd. Ata shkojnë dhe ndërtojnë një kompani në Hollandë, pasi vinë në Shqipëri marrin 128 milion euro koncesion dhe sot që jemi gati tre vjet pas firmosjes së këtij koncesioni marrin para nga bizneset dhe nga bashkia e Tiranës, fitojnë nga dhjetëra milionë euro, por nuk respektojnë një procedurë të vetme ligjore.

Së pari atë që ka të bëjë me qoftë një ndryshim elementar për ta raportuar në institucionet përkatëse, dhe në rastin konkret ndryshimi është thelbësor dhe nuk figuron në asnjë vend. Shqipëria, institucionet qeveritare, i kanë dhënë koncesion një kompanie e cila sot nuk ekziston më dhe shteti shqiptar këtë nuk e di. Me dokumenta është e qartë se kompania Integreted Energy BV nuk ekziston, ajo ka ndryshuar emrin në Geogenix BV, dhe shteti shqiptar, qeveria dhe institucionet përgjegjëse nuk kanë asnjë dokument dhe askund nuk është raportuar./ CNA.al

Thellohet skandali/ Kompania e konçesionit 128 milionë euro asnjë eksperiencë, filloi në Shqipëri

Koncesioni 128 milion euro/ Plas skandali në Shqipëri, kompania ndryshon emër në Hollandë

Koncesioni 128 milionë euro/ Zbulohen kompanitë në Hollandë me drejtorë Rusë

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Skandali/ Qeveria 50 milion euro kompanive pa asnjë lek