E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Nipi i Dritan Hoxhollit zbulon lidhjet/ "Bledar Toçi nipi i ish-deputetit socialist, u lirua me urdhër të Ramës"

12 Prill 2020, 17:11, Denoncim CNA

Një denoncim ka ardhur në inboksin e ish-kryeministrit Sali Berisha lidhur me lirimin e Bledar Toçit, i cili akuzohet për vrasjen e Dritan Hoxhollit në shtëpinë e Marsida Qatjas.

Një qytetar që prezantohet si nipi i viktimës, pretendon se Toçi është liruar me urdhër të kryeministrit Edi Rama dhe xhaxhait të tij ish-deputet.

Duke marrë shkas nga ky denoncim, Berisha dënon me ashpërsinë më të madhe këtë akt të drejtësisë, që e quan kriminal.

“I nderuar zoti Berisha, tentova t’ju kontaktoja me anë të telefonit nuk arrita, po ju shkruaj këtu. Unë jam nipi i Dritan Hoxhollit, i vrarë në pabesi nga shoku i tij ish-polici i burgut të Durrësit që furnizonte me drogë të burgosurit. Nuk dua të ndalem shumë në historinë që të gjithë tashmë dimë. Ajo për të cilën ju shkruaj është një ngjarje absurde: lirimi nga burgu i Bledar Toçit. Në një periudhë historike si kjo ku njerëzit po futen në burg sepse pijnë kafe apo dalin pa leje qeveria, Policia e Shtetit të Edi Ramës po liron kriminelë, një ndër të cilët është Bledar Toçi. Sot është liruar nga burgu një vrasës, vrasësit dhe vrasjet nuk mund të jenë kurrsesi të serisë A apo B”, shkruan qytetari dixhital, i cili ngre pyetjen se si ka mundësi që u lirua ish-zyrtari i policisë 6 muaj pas vrasjes, ndërsa zbulon lidhjen e këtij të fundit me ish-deputetin socialist Fatmir Toçi.

“Qeveria po mbron nipërit e saj. Sot u lirua nga burgu nipi i Fatmir Toçit, ish-deputet i Partisë Socialiste. Partia sot liron nipërit e saj ndërkohë që burgos qytetarët e vendit tim nëse nuk kanë një leje kalimi, nëse nuk arrijnë të paguajnë dritat, nëse nuk kanë lekë për të paguar taksat që do shëndoshin qeveritarët në pushtet. A mund të ndihen të sigurtë qytetarët e vendit tim kur vetëm pas 6 muajsh lirohet nga burgu një vrasës??? A mund t’i besojmë shtetit e ligjit që liron vrasësit dhe burgos të “drejtët”? A mund të thuhet në këtë rast, a i mbron shteti qytetarët e saj nga kriminelët? Nëse sot vret në Shqipëri maksimumi që mund të bësh është 6 muaj burg, aq sa bëri Bledar Toçi. Ja vlen të vrasësh në një vend si Shqipëria”, nënvizon ai më tej./ CNA.al