web counter
LEXO PA REKLAMA!

SHKARKO APP

App Store
Google Play

Lajmi i turpshëm i Top Channel/ Armir Shkurti tregon si po e dezinformon publikun

12 Prill 2020, 15:09, Aktualitet CNA

Gazetari Armir Shkurti ka shprehur hapur zhgënjimin e tij ndaj Top Channel duke u nisur nga një lajm për varrosjen e viktimave nga koronavirusi në SHBA.

Shkurti thotë se ky është një turp për Top Channel, i cili dikur ishte krenari. Ai kujton se të thoje më parë “punoj te Top-i” kishe respektin e bashkëfolësit sepse thekson se i ndjeri Dritan Hoxha çdo gjë mund të falte por jo mungesën e profesionalizmit.

Gazetari deklaron se Tani nuk mund ta falte kurrë përdorimin banal si kënd emulacioni, ndërsa ka gjetur linkun e lajmit të CNN i cili tregon si qëndron e vërteta lidhur me varret e të vdekurve.

“Në lajmin që kam bërë print screen po lexoni se në Nju Jork paskëshin hapur gropa prej atyre që në Shqipëri i përdorin për themele pallatesh e në vend të gurëve na paskëshin hedhur grumbuj kufomash. Tablo e luftës së dytë. Kështu hidhnin nazistët trupat e të shfarosurve në kampet e përqëndrimit. Meqë lajmi i Topes nuk ka burim, hyra dhe kërkova në internet. Ja tek e keni linkun e CNN, por e thonë edhe të tjerët:

1. Ishulli Hart prej shumë kohësh përdoret si vend varrimi për PERSONAT E BRAKTISUR. Do të thotë – siç i themi ne në shqip – për ata që i varros komunalja.

2. Të premten ( pardje) kryetari i Nju Jorkut Bill de Blasio iu përgjigj pikërish këtij provokimi. Pra a do ketë varre masive në Hart? Dhe ai e mohoi. “….secili do të varroset individualisht me dinjitet”. – e ke të përfshirë edhe postimin origjinal në tëeeter tek fotot poshtë.

Atëherë ç’ interes ka Top Channel të gënjejë duke prodhuar :

1 – Skenar dëshpërues për shqiptarët. Të shohësh një superfuqi të hedhë në gropa masive

2- Imazh të neveritshëm në Shqipëri për SHBA?”, nënvizon Shkurti./ CNA.al

Linku i lajmit të CNN: https://edition.cnn.com/2020/04/10/us/new-york-hart-island-burials/index.html?fbclid=IwAR1go2SKSTNSSmULUPuuWbgfvLHCFpuGv8MW3Tkp4J9d-6VouQojObjlR8U





Lajmet e fundit nga