E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Beteja me Covid-19 pa një ligj të miratuar për "Situatën e Jashtëzakonshme"/ KSSH i bën kërkesën urgjente qeverisë

8 Prill 2020, 19:35, Aktualitet CNA

Konfederata e Sindikatave të Shqipërise si nje hallkë e rëndësishme në jetën publike, ekonomike dhe sociale të vendit po ndjek me shqetësim situatën e krijuar në vend nga pandemia Covid-19 dhe po jep kontributin e saj për përballimin e kësaj situatë.

Ne kemi mirëkuptuar, mbështetur dhe kemi përcuar zbatimin e udhëzimeve dhe masave të marra nga qeveria tek punëtoret dhe të gjithë qytetarët e vendit.

KSSH është solidarizuar me masat e karakterit mbështetës social-ekonomik për punëtorët, të papunët, pensionistet dhe shtresat vunerabel. Ne jemi të zhgënjyer nga mospërfshirja e të dy Sindikatave Kombëtare të vendit tonë në Komitetin Ndërministror të Emergjencave Civile duke i përjashtuar nga përfshirja ndryshë nga sa ndodhi më aktorë të tjerë si organizata biznesi, punëdhënësish apo ekspert civil.

Kjo nuk ka ndodhur në asnjë vend te BE , apo edhe të rajonit tonë.

Ne shprehim besimin se në ligjin e miratuar nga Parlamenti i Shqipërisë posacërisht për këtë situatë kjo do të rregullohet.

KSSH mendon se mungesa e një ligji specifik kombëtar” Për gjendjen e jashtëzakoneshme ” e ka vështirësuar situatën dhe palët e interesit, vecanërisht sindikatat si përfaqësuese të vetme ligjore të punemarrësve i ka vendosur para politikave të faktit te kryer në lidhje me qeverinë.

Kjo e fundit e ka menaxhuar situatën përmes vendim-marrjes nga lart me instrumenta e akte normative që ju ka dhënë forcën e ligjit.

Neni 81 i Kushtetutes së vendit tonë në pikën “DH” të tij e detyron Kuvendin e Shqipërisë për të miratuar një ligj të tillë. Të nisur nga kjo por edhe nga deklaratat publike të Kryeministrit ” e deri me 15 prill do te plotësohet kuadri ligjor i gjendjes se jashtëzakoneshme ” si dhe nga disa kërkesa cinike e jo dinjitoze të disa org.biznesi ,përfshirë dhe “Dhomen Amerikane te tregtise” ( që kërkon rrogë mujore 100 ? për punëtorët).

KSSH i kërkon Parlamentit dhe Qeverise : Miratimin urgjent të ligjit ” Për situaten e jashtëzakonshme të krijuar nga pandemia Covid-19″ .

Ky ligj të jetë sa me i konsultuar dhe sa me produktiv në mbrojtje të punëmarrësve e njerëzve në nevojë. Të ketë detaje të përcaktuara qartë për të ri-rregulluar marrdhëniet e reja që ka krijuar situata e Covid-19 ,vecanërisht për punëmarrësit.

Ky ligj duhet detyrimisht të ruajë balancat ekonomike,shëndetësore e shoqërore ndërmjet të gjitha paleve në drejtim të kufizimit të të drejtave kushtetuese gjatë periudhës së zgjatjes së gjendjes së jashtëzakoneshme.

Krahas ndryshimeve të mundshme në Kodin Penal,atë Rrugor duhet të rikonsiderohen urgjente plotesimet me akte ligjore në Kodin e Punës.

Konkretisht Neni 123 i Kodit Punës që flet për ” Pagen e paprekshme” ,Pika 1 e tij percakton se ” Konsiderohet si page e pa prekshme paga që është në masën që është e nevojshme për të siguruar jetesën e punëdhënësit dhe familjarëve të tij” .

KSSH kërkon plotësimin e tij konform pikës 3 me një VKM të posacme në mungesë të një vendimi gjygjesor që : “Paga e paprekshme nuk mund të zbrese më poshtë se paga minimale zyrtare” kjo si domosdoshmëri për të përballuar shpenzimet jetësore, personale dhe familjare të punëmarresit ne situatë te jashtëzakonshme.

Ky detyrim vjen edhe nga detyrimi për zbatim i Konventës C 173 te ILO-s ,” Për mbrojtjen e pretendimeve të punëtorëve ” e vitit 1992 si dhe Direktivën 208/94/KE , “. Për mbrojtjen e punëmarrësve në rast paaftësie paguese të punëdhënësit” të nënshkruara nga vendi ynë ,të cilat mbrojnë punëmarrësin dhe i garantojnë atij pagën e paprekeshme.

Neni 129 i Kodit Punës i cili flet për ” Arsyet e refuzimit për të dhënë punë”. Duhet plotësuar zbatimi i Pikes 3 të tij ,i cili flet për arsyet e refuzimit për të dhënë punë që në rastin konkret janë nga forca madhore jashtë vullnetit të punëdhënësit. Kush ? Sa? dhe si do paguhen punonjesit ..? Por gjithmone jo më pak se paga minimale zyrtare.

Edhe Neni 134 i Kodit Punës kërkon detyrimisht një VKM specifike kur puna ndërpritet për shkaqe klimaterike të jashtëzakonshme. Ky vendim duhet të përfshijë specifikisht të drejtat e punëmarrësit të lidhura ngusht edhe me specifikat e Nenit 129 të Kodit Punës.

KSSH shpreh bindjen e saj që këto mangësi ligjore do plotësohen dhe ky do jetë një koeficent sigurie më i lartë për mbrojtjen e të gjithë punëtorëve shqiptarë në këtë situatë të jashtëzakonshme si dhe do ti krijojë frymëmarrje biznesit dhe qeverise , që edhe ata të bëhen më të përgjegjshëm për detyrimet ndaj punëmarrësve, të cilët janë më të ekspozuarit ndaj pasojave të situatës me Covid-19.

KSSH shpreh solidaritetin e saj dhe inkurajon gjithë aktorët politik dhe social për të rritur bashkepunimin dhe solidaritetin në përballimin me sukses të gjendjes se jashtëzakonshme të krijuar nga pandemia e Covid-19. Asambleja e Përgjithshme e KSSH-së.