E fundit!

15:07 Kosova & Bota

Senati amerikan sjell projektligjin e rishikuar për sanksionet ndaj Rusisë

Një grup senatorësh dypartiak në Shtetet e Bashkuara e par...

Hakmarrja e Ben Blushit/ Top Channel largon gazetarin Klodian Tomorri

8 Prill 2020, 16:56, Aktualitet CNA

Disa javë më parë, CNA.al publikoi një dokument ekskluziv i cili vinte nga Hungaria, ku një kompani EM Capital Group ishte themeluar në Sofje dhe më pas kishte ardhur në Shqipëri dhe kishte blerë 51% të aksioneve të Valterino kafesë, mbajtjes së emrit tregtar Lori Kafe.

Në të gjithë këtë procedurë, në dokumenta tregohej se ishte përfshirë Mirel Mërtiri, një nga administratorët e kompanive të inceneratorëve në Shqipëri, Klodian Zoto, një nga sërish administratorët dhe pronarët e kompanive të inceneratorëve dhe noterja Eva Blushi, bashkëshortja e Ben Blushit, drejtorit të Top Channel.

Pas publikimit të këtij dokumenti dhe disa investigimeve të njëpasnjëshme nga CNA.al, të cilat u shpërndanë në shumë media, Top Channel pësoi një goditje të fortë pasi për herë të parë në 30 vjet vërtetoheshe se si skemat e PPP-ve, koncesioneve të shumë akuzuara si korruptive në Shqipëri, financonin mediat apo kishin të paktën kompani të përbashkëta me aksionerët e një nga mediave më kryesore në Shqipëri.

Këto materiale u shpërndanë shumë, pati dhe një reagim nga Top Channel nëpërmjet gazetave të saj të falimentuara ku filluan sulmet e ashpra ndaj ministra, ish-ministra, bashkëaksionerë të kompanive që kishte Vjollca Hoxha dhe Ben Blushi shpesh ironizonte dhe përdorte sarkazëm ndaj personave publikë. Në fund e vërteta ishte një dhe vetëm një, gruaja e tij ishte kapur me presh në dorë, me një presh shumë të madh korrupsioni, ortakërie me kompani koncesionare të akuzuara për korrupsion.

Ben Blushi nuk duroi dot pas publikimit të këtyre materialeve nga shumë portale dhe nga media pro opozitare, investigoi Syri.net. Pasi ironizoi CNA.al me të cilin me të vërtetë e kishte gjetur belaja, shkoi tek Syri. Aty akuzoi shumë gazetarë se ishin pjesë e një shoqate që ishte në administrim të këtij portali. Midis tyre qe dhe emri i një prej gazetarëve ikona të Top Channel dhe një prej fytyra më ikonike të gazetarisë në Shqipëri Klodjan Tomorri.

CNA.al ka mësuar se pas publikimit të atij materiali dhe disa të dhënave të tjera të nxjerra nga veglat e Ben Blushit, një prej ikonave të gazetarisë ekonomike prej 14 vitesh, një nga gazetarët më të drejtpërdrejtë të ekonomisë dhe më të mirët në Shqipëri Klodian Tomorri, është pushuar nga puna.

Kontrata mësohet se është prishur në mënyrë të njëanshme nga Top Channel. CNA.al ka mësuar më tej se ky largim ka ardhur menjëherë pas publikimit të dokumentave të para nga CNA dhe aksioneve të Syrit. Por gjithashtu u mësua se Ben Blushi nuk kishte duruar dot, vendimi largim nga puna.

Klodian Tomorri, një prej emrave që mjafton ta lexosh në rrjetet sociale për të kuptuar se sa i drejtpërdrejtë dhe ndryshe nga Top Channel është. Ndoshta Klodi nuk shkonte më në Top Channel, nuk shkonte më lajmi i tij dhe imazhi i tij sepse Klodi nuk mund t’i mbante ison dhe të këndonte për inceneratorët korruptivë të qeverisë shqiptare, koncesioneve ku është zhytur në ortakëri Ben Blushi. Për to Klodian Tomorri ka shkruajtur me dhjetëra herë. Ashtu ai nuk mund të pushonte kundër marifetçinjve që dërgonin letra nëpër kompani private, këto të fundit i akuzonin për gjoba, i kallëzonin dhe në Prokurori e më pas dosjet mbylleshin me marrëveshje dhe sot shkruajnë kundër gazetarëve. Dhe në fakt kështu ka ndodhur jo me një por me disa. E përtej këtyre akuzave, fakteve dhe gjithçkaje që ndodh çdo ditë në televizionin e madh Top Channel që po e zvogëlon shumë çdo ditë Ben Blushi, gazetari dhe pena nga më të fortat të eklonomisë është larguar nga detyra.

Kjo është një nga rastet më të dhimbshme dhe më të turpshme në historinë e medias në Shqipëri, kur një gazetar i drejtë largohet nga puna vetëm e vetëm sepse drejtori i televizionit ka disa halle të tjera dhe nuk është dakord me mendimet e stafit të tij.

Ben Blushi, Vjollca Hoxha kanë larguar nga detyra Klodian Tomorrin, por ajo që ka humbur është Top Channel dhe ata. Klodian Tomorri vazhdon të jetë i lirë siç ka qenë gjithmonë./ CNA.al

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?