web counter
LEXO PA REKLAMA!

SHKARKO APP

App Store
Google Play

Meta kujton 7 prillin/ Edhe pse të braktisur, ne shqiptarët iu përgjigjëm pabesisë

7 Prill 2020, 06:22, Aktualitet CNA

Presidenti Ilir Meta ka kujtuar 7 prillin e 1939, kur fashistët pushtuan Shqipërinë.

Meta thotë se 7 Prilli është një ditë e hidhur por edhe një ditë nderimi për rezistencën heroike të ushtarakëve patriotë, me në krye Heroin tonë Mujo Ulqinaku.

?Edhe pse të vetëm dhe të braktisur nga të gjithë, ne shqiptarët ju përgjigjëm pabesisë të pushtuesve fashistë me patriotizmin e bijve më atdhetarë të këtij vendi, të cilët ju kundërvunë me vetëmohim njërës prej fuqive më të mëdha të kohës?, shkruan Meta.

Ai thekson se sot, ne shqiptarët përulemi me nderimin më të thellë para sakrificës sublime të ushtarakëve patriotë dhe djemve më të mirë të Atdheut, të cilët me bindje të plotë dhanë edhe jetën e tyre për mbrojtjen e lirisë, pavarësisë dhe dinjitetit kombëtar, duke shënuar dhe fillimin e Rezistencës Antifashiste të popullit shqiptar.

?Mirënjohje të përjetshme Heroit tonë të Rezistencës Antifashiste Mujo Ulqinaku dhe të gjithë patriotëve të tjerë, të cilët përmbushën me nder betimin e tyre para Flamurit Kombëtar, duke e larë atë edhe me gjakun e tyre të paharruar?, përfundon Meta./CNA.al





Lajmet e fundit nga