web counter
LEXO PA REKLAMA!

SHKARKO APP

App Store
Google Play

“Po na trajtojnë si qenër”/ Emigrantët të bllokuar prej 3 ditësh në Kapshticë

9 Prill 2020, 07:51, Aktualitet CNA

Situata me emigrantët në Kapshticë vazhdon të mos marrë zgjidhje nga autoritetet shqiptare.

Prej 3 ditësh 15 shqiptarë janë të bllokuar në tokën neutrale mes kufirit shqiptaro-grek.

Të indinjuar ata i bëjnë thirrje Presidentit Ilir Meta t’iu japë një rrugëzgjidhje, pasi sipas tyre shteti jonë me në krye Ramën i ka braktisur.

“Kemi tre ditë dhe tre netë që jemi të izoluar dhe të bllokuar nga qeveria shqiptare. I bëjmë thirrje kryeministrit, duam rrugëzgjidhje, edhe mediave iu bëjmë thirrje që ta përhapin këtë çështjen tonë. Dhe partive politike dhe presidentit, se qeveritarët nuk duan ta dinë a jemi gjallë a s’jemi gjallë. Jemi shtetas shqiptar”-u shpreh një emigrant.

“Duhet me marrë pasaportë serbe të hymë në tokë shqiptare se me pasaporta shqiptare nuk pinë më ujë”.

“Kur ne jemi shqiptar, ikim si njerëz dhe greku na sillet si njeri dhe shteti jonë shqiptar me në krye Ramën na trajtojnë si qenër. Por kalojmë me lopë e derra, dhe ne shqiptarët që jemi njerëz me dokumente të refuzohemi nga shteti jonë?, janë shprehur disa prej tyre për mediat./CNA.al





Lajmet e fundit nga