web counter
LEXO PA REKLAMA!

SHKARKO APP

App Store
Google Play

"8 efektivë të prekur nga koronavirusi"/ Ardi Veliu flet për gjendjen e tyre shëndetësore

11 Prill 2020, 16:05, Aktualitet CNA

Drejtori i Policisë së Shtetit Ardi Veliu ka folur ditën e sotme lidhur me masat e marra ndaj punonjësve të policisë që janë shumë të ekspozuar për shkak të punës në terren dhe në kontakt me qytetarët.

Veliu tregoi se masat janë marrë që në momentin që u diagnostifikuan rastet e para me koronavirus në vendin tonë dhe u kufizua lëvizja e qytetarëve.

Në një lidhje me emisionin “Kjo Javë”, drejtori i policisë tha se aktualishjt nga radhët e policisë janë infektuar 8 efektivë, nga të cilët tre janë shëruar dhe 5 ndodhen në spital.

“Ne morën të gjitha masat për krijimin e mbështetjes së punonjësve të policisë për t’i pajisur me doreza dhe maska për faktin se janë gjithë kohës të ekspozuar. Të gjithë shërbimet në terren u pajisën me doreza dhe maska. Kjo në mbështetje nga policia me fondet tona por edhe nga biznese që kanë sjellë donacione si maska aapo doreza. Janë 8 punonjës që janë të prekur drejtpërdrejt nga koronavirusi, nga këta 3 janë shëruar, e kanë kaluar gjendjen e rëndë të qëndrimit në spital dhe kanë dalë nga spitali dhe janë vetëkarantinuar ndërsa pjesa tjetër ndodhen në spital”, tha Veliu, ndërsa shtoi se aktualisht po punohet me një numër të kufizuar pasi efektivët që kanë pasur kontakt me persona të infektuar janë vetëkarantinuar në banesat e tyre./ CNA.al





Lajmet e fundit nga