web counter
LEXO PA REKLAMA!

SHKARKO APP

App Store
Google Play

E fundit!

x

Hidocentrali i Moglicës hap portat për herë të parë/ Berisha kujton sulmet e Ramës

12 Prill 2020, 19:39, Politikë CNA

Ashtu siç raportoi edhe më parë CNA.al, Hidrocentrali i Moglicës, pjesë e projektit të Kaskadës së Devollit, ka kryer sot provën e parë të hapjes së portave.

Pas kësaj ka ardhur edhe reagimi i ish-kryeministrit Sali Berisha, i cili e nisi këtë projekt në vitin 2013 kur ishte në qeveri.

Berisha e cilëson të sotmen, si një ditë të veçantë në historikun e energjitikës shqiptare, ndërsa kujton sulmet e kryeministrit aktual Edi Rama, që asokohe ishte në opozitë.

“Hidrocentrali i Moglicës, i cili ka njërën nga dy digat e betonit më të larta të Europës, hapi për herë të parë në një provë të suksesshme portat e liqenit të tij! Miq, Kaskada e Devollit shënon investimin më të madh në energjitikën e vendit në 30 vitet e fundit! Punimet për këtë Kaskadë nga kompania norvegjeze Statkraft filluan në pranverën e vitit 2013. Të nesërmen e inaugurimit të punimeve Edvin Kristaq Mashtrimi u deklaroi qytetarëve të Gramshit se Berisha inauguroi gënjeshtrën e radhës.

Por sot hidrocentralet e Banjës dhe Moglicës janë një realitet me vlerë tejet të rëndësishme për energjitikën dhe ekonominë e Shqipërisë. Një mirënjohje për të gjithë ata vendas dhe të huaj që ideuan, projektuan, financuan dhe ndërtuan këtë kryevepër të re të energjitikës në Shqipëri”, shkruan ish-lideri i demokratëve.

Ndërkohë, kujtojmë se ky është hidrocentrali i dytë që ndërtohet në rrjedhën e lumit të Devollit pas HEC-it të Banjës dhe pritet të ketë një prodhim vjetor 475 milionë kilovatorë./ CNA.al

Foto/ Zhvillohet prova e parë e hapjes së portave në HEC-in e Moglicës





Lajmet e fundit nga