web counter
LEXO PA REKLAMA!

SHKARKO APP

App Store
Google Play

"Të paguhen punonjësit pa dallim"/ Grida Duma: Jemi vonë, bëni testime

11 Prill 2020, 16:46, Politikë CNA

Ish-deputetja e Partisë Demokratike i ka bërë leksion qeverisë lidhur me masat që duhet të marrë për rtë përballuar situatën e krijuar nga pandemia e koronavirusit.

Duma tha se PD në çdo moment është duke i treguar publikisht kujtdo që duhet të drejtohemi të gjithë drejt atyre që janë propozime të mira për të dalë nga kriza.

Demokratja ka listuar disa propozime që sipas saj qeveria duhet t’i shikojë menjëherë.

“PD thotë të hynim në karantinë menjëherë dhe shpejt, të bëjmë testime masive. Vetëm testimi masiv e normalizon jetën. Karantinimi dhe izolimi duhet të ndodhte 1 javë apo 10 ditë më parë se e bëri qeveria. Bazikja që jep efekt. Në këtë situatë ne kemi pandemi ekonomike se jemi vend i varfër dhe nuk punojmë dot. Më shpejt mund të ishim marrë masa. Ne po shikojmë që masa e izolimit dhe distancimit social është e vetmja mënyrë efektive.

Ne kemi thënë të paguhen të gjithë punonjësit pa dallim. Pra ekonomia jonë ka biznesin e vogël, të mesëm, të madh. Të paguhen të gjithë. Jemi vonë. Iku marsi, tani është prill. Nuk jemi në situatën që t?i lëmë në këtë ditë. PD thotë që mos paguhen vetëm një pjesë, jo paketa e 1, e 2, e 3. Tani dhe të gjithë punonjësit. Tani me minimumin e 300 eurove dhe ata informalë sepse e kemi regjistrin. Nuk ka kohë për paketa, njëherë në biznesi i vogël, njëherë paketa e dytë dhe njëherë e tretë. Kjo ekonomi po bllokohet nga fakti se  njerëzit nuk po marrin pagat e tyre. Nëse ne themi se Shqipëria duhet të jetë e të gjithëve, së pari duhet të jetë e atyre që nuk munden”, deklaroi ajo në emisionin “Kjo Javë”./ CNA.al





Lajmet e fundit nga