web counter
LEXO PA REKLAMA!

SHKARKO APP

App Store
Google Play

E fundit!

x

Boçi publikon mesazhin/ "Drejtoria e Arsimit urdhëron mësuesit dhe nxënësit të ndjekin Besa Shahinin"

12 Prill 2020, 17:39, Politikë CNA

Pasditen e sotme ish-ministrja e Arsimit Besa Shahini ishte e ftuar në emisionin “E diela shqiptare”, ku foli për mësimdhënien online dhe ecurinë e deritanishme.

Ish-deputeti i Partisë Demokratike Luçiano Boçi, ka publikuar një bisedë ku urdhërohen mësuesit dhe nxënësit që të ndjekin ministren.

Sipas tij, këtë mesazh e ka dërguar Drejtoria Arsimore. Demokrati thotë se megjithëse është e dielë, mësuesit përsëri urdhërohen, komandohen dhe poshtërohen.

Edhe pse kanë kaluar ditë stresuese e shteruese, edhe pse i pret një javë tjetër e lodhshme, i duhet që në pikun e drekës, në ditë pushimi, të punojnë sërish online. Këtë herë jo për të dhënë mësim, por për të marrë mësim. Mësim nga Besa, sipas parimit të Besës ndaj mësuesve: ?Hajde baba të tregoj arat?. Në mënyrë absurde ministria urdhëron me sms nëpërmjet DA, të gjithë mësuesit të ndjekin në TV Besën. Madje t?ia çojnë dhe nxënësve. A thua Besa është ministrja e mësuesve dhe e nxënësve dhe jo thjeshtë ministrja e arsimit!? Dhe çfarë na shkoqiti Besa?

Asgjë të re! I bëri një rezyme asaj që ka thënë në video-selfiet e veta rresht, të cilat mësuesit i shohin e i bejnë like me urdhër dhe na nxorri nga xhepi tre skenarë për maturën, të cilët më shumë se i sqaruan maturantët, i bënë akoma më lëmsh. Nuk e di pse Besa më ngjan gjithmjë e më shumë me këto sazexhijtë që po nxjerrin nëpër lagje bashkitë e Ramës, për të bërë zhurmë e me mbajt njerëzit me gajret. Flet po nuk prodhon asnjë ide, përpos që shet kilometra propagandë”, shkruan Boçi në rrjetet sociale./ CNA.al





Lajmet e fundit nga